Swahiliflix kunadi filamu za kiswahili kimataifa

Katika jitihada za kukuza soko la filamu nchini Tanzania, wasanii nchini humo wameanzisha programu tumishi inayojulikana kama Swahiliflix, ikiwalenga zaidi wapenzi wa filamu hizi walioko maeneo mbalimbali duniani.

Waendeshaji wa programu hii tumishi wanahitaji filamu 14 kila juma lakini sasa wanapata fiilamu moja pekee yenye ubora.

Na katika kuinua ufanisi wa kazi hiyo waendeshaji wanakiri kuwa changamoto bado ni kubwa lakini wameanza jitihada kadhaa kuzifanyia kazi.

"Bado kuna changamoto katika uandaaji wa filamu za kiswahili lakini tuna mipango thabiti ya kuhakikisha kuwa na filamu zenye taswira zenye ubora zaidi na tuna uhakika baada ya muda mfupi swahiliflix itakuwa ni sehemu ambayo mtu akitaka kuangalia kitu chenye ubora wa juu anakuja kwetu"Maximilian Rioba ni mkurugenzi wa programu hiyo.

Hadi sasa zaidi ya watu elfu kumi na tano wameanza kufaidi matunda ya mfumo huo wa lugha ya Kiswahili ikiwa ni chachu ya kueneza lugha ya kiswahili.

Ni nani aliyeandika Kiswahili kibovu katika filamu za Netflix?

"Soko la filamu limetawaliwa na lugha ya kiswahili Afrika mashariki na kati"

Kwa muda sasa soko la filamu nchini Tanzania limekuwa likiporomoka lakini wadau wa filamu za Kiswahili wanasema huenda jukwaa hili likarejesha matumaini ,

"Tuna matumaini kuwa tunafikia kiwango cha kimataifa kutokana na filamu nilizoziona humo"

"Sio lazima kwenda kununua mkanda wa video au kuazima mikanda, popote nilipo ninaweza kuangalia filamu kwenye simu yangu au komputa na kufurahia sinema".

Wasanii wa filamu wanasema ujio wa programu hii ni mwanzo mpya na wanajizatiti kuwekeza Zaidi

"Watu walikuwa hawafanyi kazi zaidi kwa sababu walikuwa hawajui wanazipeleka wapi hizo filamu lakini sasa sehemu ya kuzipeleka ipo,"msanii wa bongo movie Raymond Kigosi aeleza

Huenda sasa jina Bongo Movie nalo likapenya kwenye rubaa za kimataifa na kuchuna vyema katika soko la filamu ulimwengun

Swahiliflix imeanzishwa wakati kampuni maarufu ya Netflix, inayotoa huduma za video mtandaoni moja kwa moja, imezinduliwa katika mataifa karibu yote duniani na kuzua msisimko mkubwa.

Sekta ya burudani pia haikuachwa nyuma katika kutumia Kiswahili hususan kupitia kutafsiri kazi zao kwa lugha hiyo ili kuwalenga takriban watu milioni 200 wanaoizungumza.

Kunao wanaoamini itatoa ushindani kwa zinazotoa huduma za runinga, filamu na video kwa malipo.

Wengi wanaitazama kama njia ya kuwawezesha kupata video, ambazo awali walikuwa hawawezi kuzipokea, kwa urahisi na kwa bei nafuu.

Mahitaji ya lugha ya kiswahili yameongezeka duniani huku baadhi ya vyuo vikuu vikianzisha lugha hiyo pamoja na vitivo kamili.




Maoni

Chapisha Maoni

Machapisho maarufu kutoka blogu hii

Umoja wa Ulaya hatimaye wakubaliana kuufufua uchumi wao

Picha
Viongozi wa nchi za Umoja wa Ulaya hatimaye Jumanne asubuhi walifikia makubaliano ya yuro bilioni 750 za kuufufua uchumi wao. Pesa hizi ni za kukabiliana na athari zilizotokana na janga la virusi vya corona. Viongozi hao walioonekana wenye uchovu wamekubaliana bajeti ya yuro trilioni 1.82 pia pamoja na hizo pesa za kufufua uchumi baada ya janga la virusi vya corona. Hatua hii imefikiwa kufuatia majadiliano ya siku nne ya usiku na mchana yaliyojawa na makabiliano na ubishi mkali kuhusiana na pesa na nguvu katika mojawapa ya mkutano wao mrefu zaidi wa kilele kuwahi kushuhudiwa. Hizo bilioni 750 zitatolewa kama mkopo kwa nchi zilizoathirika  vibaya zaidi na janga hilo huku makubaliano yakiafikiwa pia kuhusiana na bajeti hiyo ya miaka saba ya zaidi ya trilioni moja. Mkutano ulitarajiwa kuisha Jumamosi Charles Michel ni mwenyekiti wa mkutano huo wa kilele. "Tumeonyesha imani kwa mustakabali wetu na makubaliano haya yanaonyesha kuwa Ulaya ni nguvu ya vitendo. Tumejadiliana
Endelea kusoma

Urusi kuisadia Uganda kujenga uwezo wake wa nyuklia, ni mataifa gani ya Afrika yanatumia nishati ya nyuklia na kwanini?

Picha
Uganda imesaini makubaliano na Urusi kuisaidia kujenga uwezo wake wa kutumia teknolojia ya nyuklia kwa matumizi ya kutengeneza nishati, dawa na matumizi mengine ya amani. Hatua hii inafuata kusainiwa kwa makubaliano mnamo mei mwaka jana baina ya serikali ya rais Yoweri Museveni na shirika la kitaifa la nyuklia China CNNC, kulisaidia taifa hilo la Afrika mashariki kuendeleza matumizi ya nishati ya nyuklia kwa madhumuni ya amani. Katika ujumbe rasmi wa wizara ya nishati Uganda, makubalinao hayo na Urusi yalisainiwa hapo jana Jumatano huko Vienna kati ya waziri Irene Muloni na naibu mkurugenzi mkuu wa shirika la kitaifa la nishati ya atomiki ROSATOM, Nikolai Spasskiy. Urusi itaisaidia Uganda kujenga miundo mbinu ya nyuklia kwa matumizi katika viwanda sekta ya afya na pia ukulima. "Spasskiy ameeleza uwajibikaji na utayari wa ROSATOM kuisaidia Uganda kuidhinisha matumizi ya amani ya nishati ya nyuklia hususan katika ujenzi wa kinu cha nishati ya nyuklia," taarifa imeeleza. Kwa muj
Endelea kusoma