Mrusi aishtaki Apple kwa kumgeuza kuwa mpenzi wa jinsia moja.

Mwanaume mmoja wa Urusi amewasilisha mashtaka mahakamani dhidi ya kampuni ya vifaa vya kielekroniki Apple, akidai kuwa programu ya iPhone ilimgeuza kuwa mtu anayeshiriki mapenzi wa jinsia moja.

Anayasema hayo baada ya tukio jingine linalohusisha programu ya malipo ya ya kimtandao ya GayCoin yanayohusishwa na wapenzi wa jinsia moja.

Anasema alipata madhara sana ya kihisia na anadai alipwe pauni 12,000, kwa mujibu wa nakala ya mashtaka iliyolifikia shirika la habari la AFP.

Wakili wake , Sapizhat Gusnieva, anasema kuwa mteja "ana hofu kubwa, na anaumia ", na kuongeza kuwa kesi yake iliyowasilishwa mjini ni Moscow ya "uhakika".

Ni nini kilichotokea?

Katika mashtaka yaliyowasilishwa tarehe 20 Septemba, inadaiwa malipo ya biashara za mtandaoni yanayohusishwa na wapenzi wa jinsia moja "GayCoin" yalilipwa kupitia programu ya smartphone, kinyume na mfumo wa Bitcoin aliokuwa ameutumia kuagiza bidhaa.

Msalipo ya Crypto-currency hutumia pesa - ni aina ya pesa zinazotumiwa kwa ajili ya mtandao- na Bitcoin na GayCoin ni baadhi ya pesa za aina hiyo.

Kwa mujibu wa mlalamikaji pesa za GayCoin crypto-currency zilimfikia zikiwa na umbe unaosema : "Usihukumu bila kujaribu".

" Nilifikiria, kiukwelii , ni kwanini nihukumu kitu bila kukijaribu ? Niliamua kujaribu mahusiano ya mapenzi ya jinsia moja ," uliandikwa waraka wa mashtaka ya Mrusi huyo.

"Sasa nina mpenzi wa kiume na sasa sijui jinsi ya kuwaelezea hili wazazi wangu."

Aliongeza kuwa "maisha yake yamebadilika na kuwa mabaya sana " na kwamba "hatakuwa mtu wa kawaida tena ".

Apple "ilimsukuma " "kuwa na hisia za maoenzi ya jinsia moja kupitia ushawishi wake", alidai.

"Mabadiliko ya kijinsia yamenisababishia mabadiliko makubwa ya kimaadili na madhara ya kiakili."

Sapizhat Gusniev anasema kampuni ya Apple "inawajibika na programu zake " licha ya madai ya mabadiliko yanayofanywa na app nyingine kwenye simu hizo.

Mnamo 2013, Urusi ilianzisha sheria dhidi ya " uhamasishaji wa mapenzi ya jinsia moja", ambayo inapiga marufuku rasmi "kueneza mitindo ya maisha ambayo ni kinyume na maisha ya kawaida kwa watoto na vijana wadogo " .

Mahakama itamsikiliza mlalamikaji tarehe 17 Octoba, kwa mujibu wa taarifa yake kwenye wavuti.

Apple bado haijatoa kauli yoyote kuhusiana na shutuma hizo dhidi yake.



Maoni

Chapisha Maoni

Machapisho maarufu kutoka blogu hii

Umoja wa Ulaya hatimaye wakubaliana kuufufua uchumi wao

Picha
Viongozi wa nchi za Umoja wa Ulaya hatimaye Jumanne asubuhi walifikia makubaliano ya yuro bilioni 750 za kuufufua uchumi wao. Pesa hizi ni za kukabiliana na athari zilizotokana na janga la virusi vya corona. Viongozi hao walioonekana wenye uchovu wamekubaliana bajeti ya yuro trilioni 1.82 pia pamoja na hizo pesa za kufufua uchumi baada ya janga la virusi vya corona. Hatua hii imefikiwa kufuatia majadiliano ya siku nne ya usiku na mchana yaliyojawa na makabiliano na ubishi mkali kuhusiana na pesa na nguvu katika mojawapa ya mkutano wao mrefu zaidi wa kilele kuwahi kushuhudiwa. Hizo bilioni 750 zitatolewa kama mkopo kwa nchi zilizoathirika  vibaya zaidi na janga hilo huku makubaliano yakiafikiwa pia kuhusiana na bajeti hiyo ya miaka saba ya zaidi ya trilioni moja. Mkutano ulitarajiwa kuisha Jumamosi Charles Michel ni mwenyekiti wa mkutano huo wa kilele. "Tumeonyesha imani kwa mustakabali wetu na makubaliano haya yanaonyesha kuwa Ulaya ni nguvu ya vitendo. Tumejadiliana
Endelea kusoma

Urusi kuisadia Uganda kujenga uwezo wake wa nyuklia, ni mataifa gani ya Afrika yanatumia nishati ya nyuklia na kwanini?

Picha
Uganda imesaini makubaliano na Urusi kuisaidia kujenga uwezo wake wa kutumia teknolojia ya nyuklia kwa matumizi ya kutengeneza nishati, dawa na matumizi mengine ya amani. Hatua hii inafuata kusainiwa kwa makubaliano mnamo mei mwaka jana baina ya serikali ya rais Yoweri Museveni na shirika la kitaifa la nyuklia China CNNC, kulisaidia taifa hilo la Afrika mashariki kuendeleza matumizi ya nishati ya nyuklia kwa madhumuni ya amani. Katika ujumbe rasmi wa wizara ya nishati Uganda, makubalinao hayo na Urusi yalisainiwa hapo jana Jumatano huko Vienna kati ya waziri Irene Muloni na naibu mkurugenzi mkuu wa shirika la kitaifa la nishati ya atomiki ROSATOM, Nikolai Spasskiy. Urusi itaisaidia Uganda kujenga miundo mbinu ya nyuklia kwa matumizi katika viwanda sekta ya afya na pia ukulima. "Spasskiy ameeleza uwajibikaji na utayari wa ROSATOM kuisaidia Uganda kuidhinisha matumizi ya amani ya nishati ya nyuklia hususan katika ujenzi wa kinu cha nishati ya nyuklia," taarifa imeeleza. Kwa muj
Endelea kusoma