Wakazi wa Dar es Salaam wazua gumzo mtandaoni vumbi la Makongo Juu nchini Tanzania

Mjadala mkali umeibuka katika mitandao ya kijamii nchini Tanzania juu ya wakaazi wa mtaa mmoja jijini Dar es salaam kuhusu vumbi ambalo wakazi hao wanadaiwa kuingia nalo mjini.

Picha mbalimbali, maneno, kejeli na mizaha wikii hii vimetawala kwenye mitandao ya kijamii kama vile Twitter na Whatsapp zikionyesha namna wakaazi wa mtaa huo wanavyoonekana wakiwa na vumbi.

Ukiwa Dar waweza jua daladala ni ya njia ipi kwa kuangalia tu abiria wanaoshuka au kupanda.

Ukiona daladala abiria wengi wamevaa madela na baraghashia nyingi na wanaongea sana hiyo daladala ni ya kuelekea Temeke.Ukiona daladala wengi wanaopanda ni weupe weupe na wana meno ya rangirangi kama gold ni daladala ya kwenda Kimara & maeneo Mbezi mwisho .... Ila ukiona daladala .. wanaoshuka wamechafuka VUMBI kila sehemu usipate taabu... hizo ni daladala za MAKONGO JUU"... ni miongoni mwa ujumbe ambao umekuwa ukisambazwa katika mtandao wa Whatsapp Tanzania

Wakaazi wa eneo hilo wanadai kushangazwa kwa kufanywa wao ndio mada ya kujadiliwa na kudhani kwamba tatizo lao sasa linaweza kuonekana .

"Hii inaonyesha wazi kuwa watu wamechoka na kukerwa na inawezekana kuwa hata sio wakaazi wa Makongo juu ndio wanaandika, hao wanaotutania labda wanaweza kuwa wanatusaidia kwa namna moja au nyingine hivyo huwa tunabaki kucheka tu" mkaazi mmoja wa kitongoji hicho ameeleza.

Huku mwingine akilalamikia vikao na uvumilivu ambao wamekuwa nao kwa muda mwingi bila mafanikio huku wakijiuliza maswali mengi bila majibu.

Je, uchaguzi ujao tutamchagua mbunge huyu huyu? matatizo ni yaleyale tulipokuwa chama tawala na hata sasa mbunge wetu akiwa upinzani.

Tumekaa vikao vingi , watu wameitishwa vikao vingi, mimi pia niliacha shughuli zangu na kuhudhuria vikao hivyo.

Wale walioko barabarani tayari kuna wengine wameshavunja kuta zao kuachia barabara lakini hakuna matumaini yoyote. Kuna matajiri wengi katika nyumba za barabarani lakini hawataki kusogea au hawasogezwi.

Kwa sasa tunasubiri miujiza tu, wengi tumekata tamaa', ameeleza mkaazi wa Makongo.

'Tunafika mjini tumechafuka , unakutana wanavaa kiziba pua na kuna siku nilikutana na msichana mrembo amejifunga kanga nikashangaa ila tulivyofika kwenye lami akatoa khanga akaweka kwenye mkoba wake, hata ilinibidi niulize baada ya kutabasamu", ameongeza.

Tunaokaa pembezoni mwa barabara ni changamoto , kwenye upande wa usafi na tunaugua mafua kila siku.

Magari yetu yanaharibika sana na ukiwa na mgonjwa ni kazi, mpaka ufike kwenye lami ni changamoto na wajawazito nao wanapata shida sana.

Ni ngumu kuita au kuleta gari za kukodi huku(uber) wengi wanakataa na usafiri wa umma ni shida, kuna bajaji zaidi", Mama Brian ambaye ni mkazi wa eneo hilo alieleza.

Lakini pamoja na changamoto zote hizo, kwa nini bado watu wamechagua kuishi huko?

"Ni eneo tulivu sana, usalama upo na gharama ya nyumba sio mbaya na uzuri ni karibu na mjini, kikwazo kikubwa ni kufika mjini".

Tangazo kutoka kwa mkuu wa mkoa lilitolewa na mkuu wa mkoa wa Dar es salaam tangu mwaka unaanza, kuwa barabara ya Makongo inaenda kurekebishwa lakini mpaka sasa hakuna matumaini yoyote."




Maoni

Chapisha Maoni

Machapisho maarufu kutoka blogu hii

Umoja wa Ulaya hatimaye wakubaliana kuufufua uchumi wao

Picha
Viongozi wa nchi za Umoja wa Ulaya hatimaye Jumanne asubuhi walifikia makubaliano ya yuro bilioni 750 za kuufufua uchumi wao. Pesa hizi ni za kukabiliana na athari zilizotokana na janga la virusi vya corona. Viongozi hao walioonekana wenye uchovu wamekubaliana bajeti ya yuro trilioni 1.82 pia pamoja na hizo pesa za kufufua uchumi baada ya janga la virusi vya corona. Hatua hii imefikiwa kufuatia majadiliano ya siku nne ya usiku na mchana yaliyojawa na makabiliano na ubishi mkali kuhusiana na pesa na nguvu katika mojawapa ya mkutano wao mrefu zaidi wa kilele kuwahi kushuhudiwa. Hizo bilioni 750 zitatolewa kama mkopo kwa nchi zilizoathirika  vibaya zaidi na janga hilo huku makubaliano yakiafikiwa pia kuhusiana na bajeti hiyo ya miaka saba ya zaidi ya trilioni moja. Mkutano ulitarajiwa kuisha Jumamosi Charles Michel ni mwenyekiti wa mkutano huo wa kilele. "Tumeonyesha imani kwa mustakabali wetu na makubaliano haya yanaonyesha kuwa Ulaya ni nguvu ya vitendo. Tumejadiliana
Endelea kusoma

Urusi kuisadia Uganda kujenga uwezo wake wa nyuklia, ni mataifa gani ya Afrika yanatumia nishati ya nyuklia na kwanini?

Picha
Uganda imesaini makubaliano na Urusi kuisaidia kujenga uwezo wake wa kutumia teknolojia ya nyuklia kwa matumizi ya kutengeneza nishati, dawa na matumizi mengine ya amani. Hatua hii inafuata kusainiwa kwa makubaliano mnamo mei mwaka jana baina ya serikali ya rais Yoweri Museveni na shirika la kitaifa la nyuklia China CNNC, kulisaidia taifa hilo la Afrika mashariki kuendeleza matumizi ya nishati ya nyuklia kwa madhumuni ya amani. Katika ujumbe rasmi wa wizara ya nishati Uganda, makubalinao hayo na Urusi yalisainiwa hapo jana Jumatano huko Vienna kati ya waziri Irene Muloni na naibu mkurugenzi mkuu wa shirika la kitaifa la nishati ya atomiki ROSATOM, Nikolai Spasskiy. Urusi itaisaidia Uganda kujenga miundo mbinu ya nyuklia kwa matumizi katika viwanda sekta ya afya na pia ukulima. "Spasskiy ameeleza uwajibikaji na utayari wa ROSATOM kuisaidia Uganda kuidhinisha matumizi ya amani ya nishati ya nyuklia hususan katika ujenzi wa kinu cha nishati ya nyuklia," taarifa imeeleza. Kwa muj
Endelea kusoma