Nusu ya dhahabu inayonunuliwa kwa wachimbaji wadogo Chunya inatoroshwa:

Zaidi ya nusu ya dhahabu inayonunuliwa na wanunuzi wa kati maarufu kama Brokers kutoka kwa wachimbaji wadogo wadogo wilayani Chunya  inatoroshwa badala ya kupelekwa kuuzwa kwenye soko kuu la dhahabu lililofunguliwa na serikali wilayani humo.
Licha ya serikali kufungua soko la madini wilayani Chunya kwa ajili ya kuwawezesha wachimbaji na wanunuzi wa dhahabu kufanya biashara hiyo kwa njia halali na serikali kupata mapato yake, imebainika kuwa madini ya dhahabu hasa yanayonunuliwa kutoka kwa wachimbaji wadogo hayafikishwi sokoni hapo na badala yake yanatoroshwa  na kwenda kuuzwa nje ya wilaya na hata kusafirishwa nje ya nchi kinyemela.

Mkuu wa Taasisi ya kuzuia na kupambana na rushwa wilaya ya Chunya, Luitufyo Mwambungu amesema utoroshaji huo wa dhahabu una harufu ya kuambatana na vitendo vya rushwa na kuwataka wananchi kutoa taarifa za vitendo hivyo, huku Meneja wa mamlaka ya mapato Tanzania, TRA, wilaya ya Chunya, Osaund Mbilinyi akidai kuwa ipo changamoto ya wanunuzi na wachimbaji wa madini kutokuwa na mwitikio wa kulipa kodi.
Afisa Madini mkazi wa wilaya ya Chunya Gibson Kamihanda amewataka wale wote wanaojihusisha na utoroshaji wa dhahabu wilayani humo kuacha tabia hiyo mara moja kwa vile adhabu yake kisheria ni kali kiasi cha kuwafilisi na kuwaondoa kabisa kwenye biashara ya madini.

Maoni

Chapisha Maoni

Machapisho maarufu kutoka blogu hii

Umoja wa Ulaya hatimaye wakubaliana kuufufua uchumi wao

Picha
Viongozi wa nchi za Umoja wa Ulaya hatimaye Jumanne asubuhi walifikia makubaliano ya yuro bilioni 750 za kuufufua uchumi wao. Pesa hizi ni za kukabiliana na athari zilizotokana na janga la virusi vya corona. Viongozi hao walioonekana wenye uchovu wamekubaliana bajeti ya yuro trilioni 1.82 pia pamoja na hizo pesa za kufufua uchumi baada ya janga la virusi vya corona. Hatua hii imefikiwa kufuatia majadiliano ya siku nne ya usiku na mchana yaliyojawa na makabiliano na ubishi mkali kuhusiana na pesa na nguvu katika mojawapa ya mkutano wao mrefu zaidi wa kilele kuwahi kushuhudiwa. Hizo bilioni 750 zitatolewa kama mkopo kwa nchi zilizoathirika  vibaya zaidi na janga hilo huku makubaliano yakiafikiwa pia kuhusiana na bajeti hiyo ya miaka saba ya zaidi ya trilioni moja. Mkutano ulitarajiwa kuisha Jumamosi Charles Michel ni mwenyekiti wa mkutano huo wa kilele. "Tumeonyesha imani kwa mustakabali wetu na makubaliano haya yanaonyesha kuwa Ulaya ni nguvu ya vitendo. Tumejadiliana
Endelea kusoma

Urusi kuisadia Uganda kujenga uwezo wake wa nyuklia, ni mataifa gani ya Afrika yanatumia nishati ya nyuklia na kwanini?

Picha
Uganda imesaini makubaliano na Urusi kuisaidia kujenga uwezo wake wa kutumia teknolojia ya nyuklia kwa matumizi ya kutengeneza nishati, dawa na matumizi mengine ya amani. Hatua hii inafuata kusainiwa kwa makubaliano mnamo mei mwaka jana baina ya serikali ya rais Yoweri Museveni na shirika la kitaifa la nyuklia China CNNC, kulisaidia taifa hilo la Afrika mashariki kuendeleza matumizi ya nishati ya nyuklia kwa madhumuni ya amani. Katika ujumbe rasmi wa wizara ya nishati Uganda, makubalinao hayo na Urusi yalisainiwa hapo jana Jumatano huko Vienna kati ya waziri Irene Muloni na naibu mkurugenzi mkuu wa shirika la kitaifa la nishati ya atomiki ROSATOM, Nikolai Spasskiy. Urusi itaisaidia Uganda kujenga miundo mbinu ya nyuklia kwa matumizi katika viwanda sekta ya afya na pia ukulima. "Spasskiy ameeleza uwajibikaji na utayari wa ROSATOM kuisaidia Uganda kuidhinisha matumizi ya amani ya nishati ya nyuklia hususan katika ujenzi wa kinu cha nishati ya nyuklia," taarifa imeeleza. Kwa muj
Endelea kusoma