Ubaguzi dhidi ya Pogba: Wito watolewa wachezaji kususia mitandao ya kijamii

Mkufunzi wa timu ya soka upande wa akina dada nchini England Phil Neville amesema kuwa wachezaji wanapaswa kususia mitandao ya kijamii ili kutuma ujumbe mzito kwamba ubaguzi wa rangi hautakubaliwa.

Matamshi ya Neville yanajiri baada ya kiungo wa kati wa Manchester United Paul Pogba kupokea machapisho ya ubaguzi wa rangi mitandaoni kufuatai hatua yake ya kukosa penalti wakati wa mechi iliotoka sare ya 1-1 dhidi ya Wolves siku ya Jumatatu.

''Lazima tuchukue hatua mwafaka sasa kama jamii ya kandanda. Tumeona na wachezaji wangu katika mitandao ya kijamii, ligi ya Premia na mabingwa wameona'' , alisema Neville.

''Sijui kama jamii ya soka tunafaa kususia mitandao ya kijamii , kwa sababu Twitter haitachukua hatua yoyote, instagram haitafanya lolote - wanakutumia barua pepe wakisema kwamba watachunguza lakini hakuna kinachofanyika''.

Nimepoteza imani na yeyote anayeendesha idara za mitandao hii, hivyobasi tutume ujumbe mzito. Tususie mitandao ya kijamii kwa miezi sita. Tuone athari yake kwa kampuni hizo za mitandao ya kijamii''.

Siku ya Jumanne, Twitter ilitoa taarifa ikisema kuwa inashutumu kwa nguvu matusi na sasa imepiga marufuku baadhi ya akaunti kwa kukiuka sera yake ya chuki.

Iliongezea: Tunajua kinachoendelea kuhusu ubaguzi wa rangi mitandaoni dhidi ya wachezaji fulani nchini Uingereza katika siku za hivi karibuni.

Tunachunguza matamshi hayo na tutaendelea kuchukua hatua kali dhidi ya akaunti yoyote inayokiuka sheria. Hili ni swala la kijamii na linahitaji jamii kuchukua hatua.

Hii ndio sababu tunaendelea mjadala na muungano wa wachezaji wa kulipwa pamoja na Kick it out na wako tayari kushirikiana kutatua matusi mitandaoni na tabia za kibaguzi katika sekta hii.

Taarifa kutoka kwa facebook ilisema: hakuna nafasi ya ubaguzi ama tabia ya matusi katika instagram na tunawekeza pakubwa katika kuimarisha vifaa na teknolojia ili kuzuia uonevu na unyanyasaji.

Baadhi ya watumiaji wa mitandao ya kijamii walianzisha kampeni ya #istandwithpogba

Watu ambao huvunja maelezo yetu watapigwa marufuku kutotumia Instagram.

Wachezaji wenza wa Pogba wamekosoa matusi hayo dhidi ya raia huyo wa Ufaransa , ambaye penalti yake ya dakika ya 68 iliokolewa na kipa wa Wolves Rui Patricio - ikiwa ni penalti ya nne iliopotezwa na mchezaji huyo akiichezea United katika ligi ya Premia tangu msimu uliopita.

Harry Maguire alitaka kampuni za mitandao ya kijamii kusitisha kujifanya kwamba zina huruma huku Marcus Rashford akisema kwamba inatosha na swala hilo linafaa kukomeshwa.

''Manchester United ni familia. Pogba ni mwanachama wa familia ,unapomshambulia munatushambulia sisi sote'', mshambuliaji huyo wa England aliongezea katika mtandao wa twitter.

United imesema kwamba inatumia kila mbinu kuwafichua wale waliomtusi Pogba.

Watu waliowasilsha maono hayo hawaungi mkono maadili na thamani ya klabu yetu na inatupa moyo kuona kwamba idadi kubwa ya mashabiki wetu wameshutumu hilo katika mitanfdao ya kijamii , ilisema taarifa ya United.

''Tutafanya kazi kubaini watu wachache waliohusika katika visa hivi na kuchukua hatua kali. Tunazitaka kampuni za mitandao ya kijamii kuchukua hatua dhidi ya kesi kama hizi''.




Maoni

Chapisha Maoni

Machapisho maarufu kutoka blogu hii

Umoja wa Ulaya hatimaye wakubaliana kuufufua uchumi wao

Picha
Viongozi wa nchi za Umoja wa Ulaya hatimaye Jumanne asubuhi walifikia makubaliano ya yuro bilioni 750 za kuufufua uchumi wao. Pesa hizi ni za kukabiliana na athari zilizotokana na janga la virusi vya corona. Viongozi hao walioonekana wenye uchovu wamekubaliana bajeti ya yuro trilioni 1.82 pia pamoja na hizo pesa za kufufua uchumi baada ya janga la virusi vya corona. Hatua hii imefikiwa kufuatia majadiliano ya siku nne ya usiku na mchana yaliyojawa na makabiliano na ubishi mkali kuhusiana na pesa na nguvu katika mojawapa ya mkutano wao mrefu zaidi wa kilele kuwahi kushuhudiwa. Hizo bilioni 750 zitatolewa kama mkopo kwa nchi zilizoathirika  vibaya zaidi na janga hilo huku makubaliano yakiafikiwa pia kuhusiana na bajeti hiyo ya miaka saba ya zaidi ya trilioni moja. Mkutano ulitarajiwa kuisha Jumamosi Charles Michel ni mwenyekiti wa mkutano huo wa kilele. "Tumeonyesha imani kwa mustakabali wetu na makubaliano haya yanaonyesha kuwa Ulaya ni nguvu ya vitendo. Tumejadiliana
Endelea kusoma

Urusi kuisadia Uganda kujenga uwezo wake wa nyuklia, ni mataifa gani ya Afrika yanatumia nishati ya nyuklia na kwanini?

Picha
Uganda imesaini makubaliano na Urusi kuisaidia kujenga uwezo wake wa kutumia teknolojia ya nyuklia kwa matumizi ya kutengeneza nishati, dawa na matumizi mengine ya amani. Hatua hii inafuata kusainiwa kwa makubaliano mnamo mei mwaka jana baina ya serikali ya rais Yoweri Museveni na shirika la kitaifa la nyuklia China CNNC, kulisaidia taifa hilo la Afrika mashariki kuendeleza matumizi ya nishati ya nyuklia kwa madhumuni ya amani. Katika ujumbe rasmi wa wizara ya nishati Uganda, makubalinao hayo na Urusi yalisainiwa hapo jana Jumatano huko Vienna kati ya waziri Irene Muloni na naibu mkurugenzi mkuu wa shirika la kitaifa la nishati ya atomiki ROSATOM, Nikolai Spasskiy. Urusi itaisaidia Uganda kujenga miundo mbinu ya nyuklia kwa matumizi katika viwanda sekta ya afya na pia ukulima. "Spasskiy ameeleza uwajibikaji na utayari wa ROSATOM kuisaidia Uganda kuidhinisha matumizi ya amani ya nishati ya nyuklia hususan katika ujenzi wa kinu cha nishati ya nyuklia," taarifa imeeleza. Kwa muj
Endelea kusoma