Mbwana Samatta ailiza Anderlecht ya Vincent Kompany

Mabingwa wa ligi ya Ubelgiji Genk waliilaza timu inayoongozwa na mchezaji wa zamani wa Manchester City Vincent Kompany - Anderlecht 1-0 katika siku ya tano ya ligi hiyo ya Jupiler Pro.

Baada ya timu hizo mbili kukabiliana , Genk hatimaye ilikuwa kifua mbele katika dakika ya 55.

Kiungo wa kati wa klabu hiyo Junya Ito alimpatia pasi murua mshambuliaji wa Genk raia wa Tanzania Mbwana Samatta ambaye hakupoteza wakati na kucheka na wavu.

Anderlecht ilijaribu kutafuta bao la kusawazisha , lakini walipata pigo baada ya mchezaji wao Phillip Sandler kuondolewa kunako dakika ya 68 kabla ya nahodha Vincent Kompany pia naye kupandishwa katika machela kunako dakika ya 74 na jeraha.

Siku ya Alhamisi, Kompany aliwachilia kazi yake ya ukufunzi wakati wa siku za mechi ili kucheza na badala yake ameamua kuchukua unahodha wa timu hiyo.

Klabu hiyo ya Ubelgiji imechukua pointi mbili pekee kati ya 15 katika mechi zake tano za kwanza na hivyobasi kuongeza msururu wao mbaya katika miaka 21.

Miongoni mwa wachezaji wa kikosi cha kwanza cha Andelecht alikuwa mchezaji mwenza wa Kompany Samir Nasri.

Jeraha hilo la Kompany huenda likamzuia kutoshiriki katika mechi yake ya kumuaga Etihad katika kipindi cha wiki tatu zijazo.

Kompany ambaye alijiunga na Andelecht kama mkufunzi mchezaji alitibiwa kandokando ya uwanja kabla ya kufungwa donge la barafu katika mguu wake wa kulia.

Anatarajiwa kurudi Manchester tarehe 11 September ili kusherehekea huduma yake ya miaka 11 akiichezea klabu hiyo ya Etihad.

Huo ni ushindi wa pili mfululizo wa Genk huku naye Mbwana Samatta akijikita miongoni mwa wachezaji wanaoongoza kwa magoli katika ligi hiyo kufuatia hatrick yake katika mechi ya ufunguzi dhidi ya Waasland Beveren.

Miezi iliopita mchezaji huyo alizivutia klabu za Uingereza kama vile Aston Villa Watford, Leicester na Burnley baada ya kuonyesha hamu yake ya kutaka kujiunga na klabu za ligi ya Uingereza.
Klabu ya Brighton imekuwa ikimfuatilia Samatta kwa muda mrefu na kocha wa timu hiyo kwa msimu uliopita Chris Hughton alikuwa akivutiwa sana na mchezaji huyo.

Samatta alijiunga na Genk akitokea TP Mazembe Januari 2016 ambapo alitia saini mkataba wa kumuweka katika klabu hiyo hadi msimu wa 2019/20.

Msimu uliopita, 2018/19 bila ya shaka ulikuwa bora kabisa kwake toka alipojiunga na klabu hiyo.

Alifunga magoli 23 ya ligi na magoli 9 kwenye michuano ya ligi ya Europa. Pia amepata tuzo ya Ebony ambayo hutuzwa mchezaji bora mwenye asili ya Afrika nchini Ubelgiji.

Pia ametoa mchango mkubwa kwa klabu hiyo kuchukua ubingwa wa ligi baada ya kuukosa kwa miaka minane.

Samatta alianza Maisha yake ya soka akiwa kinda na klabu ya Mbagala Market kisha akasajiliwa na Simba zote za Dar es Salaam Tanzania.

Mazembe walimsajili 2011 akitokea Simba.






Maoni

Chapisha Maoni

Machapisho maarufu kutoka blogu hii

Umoja wa Ulaya hatimaye wakubaliana kuufufua uchumi wao

Picha
Viongozi wa nchi za Umoja wa Ulaya hatimaye Jumanne asubuhi walifikia makubaliano ya yuro bilioni 750 za kuufufua uchumi wao. Pesa hizi ni za kukabiliana na athari zilizotokana na janga la virusi vya corona. Viongozi hao walioonekana wenye uchovu wamekubaliana bajeti ya yuro trilioni 1.82 pia pamoja na hizo pesa za kufufua uchumi baada ya janga la virusi vya corona. Hatua hii imefikiwa kufuatia majadiliano ya siku nne ya usiku na mchana yaliyojawa na makabiliano na ubishi mkali kuhusiana na pesa na nguvu katika mojawapa ya mkutano wao mrefu zaidi wa kilele kuwahi kushuhudiwa. Hizo bilioni 750 zitatolewa kama mkopo kwa nchi zilizoathirika  vibaya zaidi na janga hilo huku makubaliano yakiafikiwa pia kuhusiana na bajeti hiyo ya miaka saba ya zaidi ya trilioni moja. Mkutano ulitarajiwa kuisha Jumamosi Charles Michel ni mwenyekiti wa mkutano huo wa kilele. "Tumeonyesha imani kwa mustakabali wetu na makubaliano haya yanaonyesha kuwa Ulaya ni nguvu ya vitendo. Tumejadiliana
Endelea kusoma

Urusi kuisadia Uganda kujenga uwezo wake wa nyuklia, ni mataifa gani ya Afrika yanatumia nishati ya nyuklia na kwanini?

Picha
Uganda imesaini makubaliano na Urusi kuisaidia kujenga uwezo wake wa kutumia teknolojia ya nyuklia kwa matumizi ya kutengeneza nishati, dawa na matumizi mengine ya amani. Hatua hii inafuata kusainiwa kwa makubaliano mnamo mei mwaka jana baina ya serikali ya rais Yoweri Museveni na shirika la kitaifa la nyuklia China CNNC, kulisaidia taifa hilo la Afrika mashariki kuendeleza matumizi ya nishati ya nyuklia kwa madhumuni ya amani. Katika ujumbe rasmi wa wizara ya nishati Uganda, makubalinao hayo na Urusi yalisainiwa hapo jana Jumatano huko Vienna kati ya waziri Irene Muloni na naibu mkurugenzi mkuu wa shirika la kitaifa la nishati ya atomiki ROSATOM, Nikolai Spasskiy. Urusi itaisaidia Uganda kujenga miundo mbinu ya nyuklia kwa matumizi katika viwanda sekta ya afya na pia ukulima. "Spasskiy ameeleza uwajibikaji na utayari wa ROSATOM kuisaidia Uganda kuidhinisha matumizi ya amani ya nishati ya nyuklia hususan katika ujenzi wa kinu cha nishati ya nyuklia," taarifa imeeleza. Kwa muj
Endelea kusoma