Rais John Magufuli amemteua Charles Kichere kuwa mkaguzi mpya wa hesabu za umma Tanzania. Je CAG huyo mpya ni nani?

Rais wa Tanzania Dkt John Pombe Magufuli amemteua Charles Kichere kuwa Mkaguzi Mkuu wa Hesabu za Serikali(CAG).

Kwa mujibu wa taarifa nchini, CAG huyo mpya Kichere anatarajiwa kuapishwa rasmi kesho Jumatatu asubuhi.

Kichere anaichukua nafasi ya Profesa Assad Mussa, mkaguzi anayeondoka kufuatia kumalizika kwa muda wake wa uhudumu hapo kesho tarehe 4 Novemba.

Kabla ya wadhifa huu mpya, Kichere alikuwa katibu tawala wa Mkoa wa Njombe nchini.

Nafasi ya Kichere itachukuliwa na Katarina Revocati ambaye kabla ya wadhifa huu mpya alikuwa Msajili Mkuu wa Mahakama.

Charles Kichere ni nani?

Alisomea elimu ya juu katika Chuo Kikuu cha Dar-Es-Salaam na chuo kikuu cha Tumaini, mjini Dar Es Salaam.

Kichere aliwahi kuwa naibu kamishna mkuu wa TRA.

Mnamo tarehe 25 Machi mwaka 2017, aliteuliwa na rais Magufuli kuwa kamishna mkuu wa mamlaka ya mapato Tanzania (TRA).

Aliipokea nafasi hiyo kutoka kwa Alphayo Kidata ambaye aliteuliwa wakati huo kuwa katibu mkuu ikulu Tanzania.

Charles Kichere alihudumu kama kamishna wa TRA kuanzia Machi 2017 hadi Juni mwaka huu 2019, wakati aliondoshwa katika mamlaka hiyo ya TRA, katika mageuzi ya rais Magufuli aliyotoa ikulu mjini Dar es Salaam kupitia taarifa rasmi ya mkurugenzi wa mawasiliano ya rais.

Kichere aliteuliwa badala yake kuwa Katibu Tawala wa Mkoa wa Njombe.

Yuko kwenye bodi ya Benki ya CRDB Tanzania.

Zamani alikuwa mkaguzi mkuu wa shirika la Kitaifa la barabara, mweka hazina na pia mkaguzi mkuu wa hesabu katika kampuni ya majani chai ya Unilever nchini Kenya na Tanzania.

Amepokea wadhifa wa mkaguzi na mdhibiti wa hesabu za serikali kutoka wa Profesa Mussa Assad.

Orodha ya wadhibiti na wakaguzi wa hesabu za serikali Tanzania

Bwana. R.W.A. McColl aliyehudumu 1961 hadi 1963Bwana. Gordon. A. Hutchinson aliyehudumu 1964 hadi 1969Bwana. Mohamed Aboud aliyehudumu 1969 hadi 1996Bwana. Thomas Kiama aliyehudumu 1996 hadi 2005Mr. Ludovick S. L. Utouh aliyehudumu 2006 hadi 2014Prof. Mussa Juma Assad aliyehudumu 2014 hadi 2019

Bunge lakataa kufanya kazi na (CAG) Assad

Bunge la Tanzania halikuvutiwa na kauli ya CAG Profesa Musa Assad wakati katika mahojiano na Idhaa ya Kiswahili ya redio ya Umoja wa Mataifa (UN) jijini New York mwezi Disemba 2018, alisema kuwa Bunge hilo la Tanzania halina meno na hivyo limeshindwa kuiwajibisha ipasavyo serikali.

Mvutano mkali ulizuka baina yake na Bunge la taifa kufuatia kauli yake hiyo.

Mnamo Aprili mwaka huu Bunge la Tanzania liliazimia kutofanya kazi na CAGhuyo anayeondoka Prof Musa Assad, baada ya kumtia hatiani kwa tuhuma za kukidharau chombo hicho cha taifa.

Spika wa Bunge la Tanzania, Job Ndugai alionyesha wazi kukerwa kwa namna ambavyo Assad hakujutia kauli yake iliodaiwa kuwa ya dharau dhidi ya Bunge la Tanzania.

Tatizo letu ni maneno ambayo Profesa Musa Juma Assad aliyasema kule Marekani, na majuzi alipowaita waandishi wa habari Dodoma akarudia tena kwamba ataendelea kuyasema maneno hayo. Maneno yale sisi tumeyakataa kuwa si maneno ya kistaarabu hilo ndio tatizo, na sio taarifa iliyotolewa.'' Alisema Ndugai.

Hatahivyo sio wote waliokuwa na msimamo huo.

Muungano wa vyama nane vya upinzani nchini Tanzania, (Chadema, ACT-Wazalendo, NCCR-Mageuzi, NLD, DP, UPDP, CHAUMMA na CCK) vilivyodai kuwa

kama kuna anayetakiwa kijiuzulu kwenye sakata hilo ni Spika Ndugai na sio Assad.

Katika kuzungumzia mgogoro huo, Prof Assad alisema: "Tafsiri ya kuwa (Bunge) hatuwezi kufanya kazi na CAG ni tafsiri pana sana na inatakiwa tuijue vizuri."

Kadhalika Assad alieleza kuwa ataendelea kutekeleza majukumu yake kama ilivyoainishwa kwa mujibu wa katiba Tanzania.

Prof Assad amemaliza awamu ya kwanza ya miaka 5.

Muda wake unakwisha rasmi kesho tarehe 4 Novemba 2019.

Kwa mujibu wa sheria ya mwaka 2008 ya Ukaguzi wa Hesabu za Umma, Rais alikuwa na mamlaka ya kumteua tena lakini ameamua kumteua mwengine.




Maoni

Chapisha Maoni

Machapisho maarufu kutoka blogu hii

Umoja wa Ulaya hatimaye wakubaliana kuufufua uchumi wao

Picha
Viongozi wa nchi za Umoja wa Ulaya hatimaye Jumanne asubuhi walifikia makubaliano ya yuro bilioni 750 za kuufufua uchumi wao. Pesa hizi ni za kukabiliana na athari zilizotokana na janga la virusi vya corona. Viongozi hao walioonekana wenye uchovu wamekubaliana bajeti ya yuro trilioni 1.82 pia pamoja na hizo pesa za kufufua uchumi baada ya janga la virusi vya corona. Hatua hii imefikiwa kufuatia majadiliano ya siku nne ya usiku na mchana yaliyojawa na makabiliano na ubishi mkali kuhusiana na pesa na nguvu katika mojawapa ya mkutano wao mrefu zaidi wa kilele kuwahi kushuhudiwa. Hizo bilioni 750 zitatolewa kama mkopo kwa nchi zilizoathirika  vibaya zaidi na janga hilo huku makubaliano yakiafikiwa pia kuhusiana na bajeti hiyo ya miaka saba ya zaidi ya trilioni moja. Mkutano ulitarajiwa kuisha Jumamosi Charles Michel ni mwenyekiti wa mkutano huo wa kilele. "Tumeonyesha imani kwa mustakabali wetu na makubaliano haya yanaonyesha kuwa Ulaya ni nguvu ya vitendo. Tumejadiliana
Endelea kusoma

Urusi kuisadia Uganda kujenga uwezo wake wa nyuklia, ni mataifa gani ya Afrika yanatumia nishati ya nyuklia na kwanini?

Picha
Uganda imesaini makubaliano na Urusi kuisaidia kujenga uwezo wake wa kutumia teknolojia ya nyuklia kwa matumizi ya kutengeneza nishati, dawa na matumizi mengine ya amani. Hatua hii inafuata kusainiwa kwa makubaliano mnamo mei mwaka jana baina ya serikali ya rais Yoweri Museveni na shirika la kitaifa la nyuklia China CNNC, kulisaidia taifa hilo la Afrika mashariki kuendeleza matumizi ya nishati ya nyuklia kwa madhumuni ya amani. Katika ujumbe rasmi wa wizara ya nishati Uganda, makubalinao hayo na Urusi yalisainiwa hapo jana Jumatano huko Vienna kati ya waziri Irene Muloni na naibu mkurugenzi mkuu wa shirika la kitaifa la nishati ya atomiki ROSATOM, Nikolai Spasskiy. Urusi itaisaidia Uganda kujenga miundo mbinu ya nyuklia kwa matumizi katika viwanda sekta ya afya na pia ukulima. "Spasskiy ameeleza uwajibikaji na utayari wa ROSATOM kuisaidia Uganda kuidhinisha matumizi ya amani ya nishati ya nyuklia hususan katika ujenzi wa kinu cha nishati ya nyuklia," taarifa imeeleza. Kwa muj
Endelea kusoma