Kukatikakatika kwa umeme Zimbabwe kumefanya raia nchini humo kutumia nishati ya jua

Zimbabwe imepiga marufuku kuweka mashine za kupasha moto (heater) ikiwa ni jitihada ya kutunza umeme, Shirika la habari la uingereza Reuters limenukuu shirika la udhibiti wa nishati ya umeme nchini humo.

Wasambazaji wa umeme hawataruhusiwa kuunga umeme kwenye maeneo mbalimbali bila kuunga mfumo wa solar kwa ajili ya mashine ya kupashia maji.

Zimbabwe imekuwa gizani kwa muda mrefu umeme ukikatika mara kwa mara huku biashara nyingi zikifanyika nyakati za usiku, wakati umeme unapokuwa umewaka.

Sababu nyingi zimetolewa kuhusu kukosekana kwa umeme.Kampuni ya serikali ya kusambaza umeme ,Zesa imesema wateja wakubwa hawajalipia huduma za umeme. Wakati huo huo ukame umepunguza kiasi cha maji kwenye bwawa la maji linalozalisha umeme.

Kwanini Zimbabwe imefikia hali hii?

Zimbabwe inategemea bwawa moja tu la Kariba la kuzalisha umeme lakini limeshindwa kusambaza umeme kama kawaida kwa sababu ya kushuka kwa kina cha maji kulikosababishwa na ukame.

Zimbabwe inahitaji umeme wa Megawati 1,700 kila siku kukidhi mahitaji ya watumiaji wake.

Kituo cha umeme cha Hwange nacho kina matatizo, kwani miundombinu yake ni kuukuu.

Shirika la Umeme Zesa nalo linashindwa kununua umeme kwenye nchi jirani kwa kuwa limeshindwa kulipa madeni ya umeme kwa Afrika Kusini na Msumbiji.

Zimbabwe inafanya jitihada za kumudu hali ya kukatika kwa umeme wakati hali ya kiuchumi ikiendelea kuwa mbaya na hofu ya mfumuko mkubwa wa bei.

Kwa serikali na familia wakipambana kulipa gharama za bili, watoto wengi wanafanya kazi za shule kwa mwanga wa mshumaa.

Kwa kipindi cha mwezi Juni, mishumaa ilikuwa ikiwashwa baada ya jua kuzama ili waweze kumaliza kazi zao za shule.

Umeme ulikuwa ukirejea wakiwa wamelala majira ya saa nne za usiku, saa za Zimbabwe.

Nyumba nyingi zimekumbwa na changamoto hiyo isipokuwa tu kwa wale wanaoweka majenereta na solar- lakini ni vigumu kwa wanaotumia majenereta wakati wote kwa sababu ya upungufu wa mafuta ya dizeli na mistari mirefu kwenye gereji.

Umeme wa solar ni njia pekee inayokua kwa sasa- vifaa vya umeme wa solar vimekuwa vikiongezeka kwa kasi katika nyumba za raia wa Zimbabwe.

Huenda Zimbabwe itaendelea kuwa gizani kwa siku nyingi zijazo.



Maoni

Chapisha Maoni

Machapisho maarufu kutoka blogu hii

Umoja wa Ulaya hatimaye wakubaliana kuufufua uchumi wao

Picha
Viongozi wa nchi za Umoja wa Ulaya hatimaye Jumanne asubuhi walifikia makubaliano ya yuro bilioni 750 za kuufufua uchumi wao. Pesa hizi ni za kukabiliana na athari zilizotokana na janga la virusi vya corona. Viongozi hao walioonekana wenye uchovu wamekubaliana bajeti ya yuro trilioni 1.82 pia pamoja na hizo pesa za kufufua uchumi baada ya janga la virusi vya corona. Hatua hii imefikiwa kufuatia majadiliano ya siku nne ya usiku na mchana yaliyojawa na makabiliano na ubishi mkali kuhusiana na pesa na nguvu katika mojawapa ya mkutano wao mrefu zaidi wa kilele kuwahi kushuhudiwa. Hizo bilioni 750 zitatolewa kama mkopo kwa nchi zilizoathirika  vibaya zaidi na janga hilo huku makubaliano yakiafikiwa pia kuhusiana na bajeti hiyo ya miaka saba ya zaidi ya trilioni moja. Mkutano ulitarajiwa kuisha Jumamosi Charles Michel ni mwenyekiti wa mkutano huo wa kilele. "Tumeonyesha imani kwa mustakabali wetu na makubaliano haya yanaonyesha kuwa Ulaya ni nguvu ya vitendo. Tumejadiliana
Endelea kusoma

Urusi kuisadia Uganda kujenga uwezo wake wa nyuklia, ni mataifa gani ya Afrika yanatumia nishati ya nyuklia na kwanini?

Picha
Uganda imesaini makubaliano na Urusi kuisaidia kujenga uwezo wake wa kutumia teknolojia ya nyuklia kwa matumizi ya kutengeneza nishati, dawa na matumizi mengine ya amani. Hatua hii inafuata kusainiwa kwa makubaliano mnamo mei mwaka jana baina ya serikali ya rais Yoweri Museveni na shirika la kitaifa la nyuklia China CNNC, kulisaidia taifa hilo la Afrika mashariki kuendeleza matumizi ya nishati ya nyuklia kwa madhumuni ya amani. Katika ujumbe rasmi wa wizara ya nishati Uganda, makubalinao hayo na Urusi yalisainiwa hapo jana Jumatano huko Vienna kati ya waziri Irene Muloni na naibu mkurugenzi mkuu wa shirika la kitaifa la nishati ya atomiki ROSATOM, Nikolai Spasskiy. Urusi itaisaidia Uganda kujenga miundo mbinu ya nyuklia kwa matumizi katika viwanda sekta ya afya na pia ukulima. "Spasskiy ameeleza uwajibikaji na utayari wa ROSATOM kuisaidia Uganda kuidhinisha matumizi ya amani ya nishati ya nyuklia hususan katika ujenzi wa kinu cha nishati ya nyuklia," taarifa imeeleza. Kwa muj
Endelea kusoma