Umoja wa Ulaya wakosa mwafaka wa kufungua mipaka kwa wageni



Mataifa ya Umoja wa Ulaya jana yameshindwa kufikia makubaliano juu ya orodha ya nchi zilizo salama ambazo raia wake wangeweza kuruhusiwa kuanza kusafiri ndani na nje ya kanda hiyo kuanzia mwezi Julai.

Mabalozi wa nchi 27 wanachama wa Umoja wa Ulaya walikutana m
jini Brussels jana kutayarisha mwongozo wa kuruhusu baadhi ya raia wa mataifa kadhaa duniani kuanza kuingia tena kwenye mataifa ya kanda hiyo bila ya masharti ya kukaa karantini.
Hata hivyo wanadiplomasia hao wameomba muda zaidi wa kushauriana na serikali za mataifa yao kabla ya kufikia uamuzi wa orodha ya nchi 10 hadi 20 zilizopendekezwa na uamuzi unatarajiwa kutolewa baadae hii leo.
Duru kutoka mjini Brussels zimesema orodha ya mataifa iliyowasilishwa kwa mabalozi hao haikuzujumuisha Marekani, Brazil wala Urusi, nchi ambazo bado zina kiwango kikubwa cha maambukizi ya virusi vya corona.
Kulingana na maafisa wawili wa Marekani abiria kutoka Marekani wataruhusiwa kusafiri ikiwa watatimiza masharti kadhaa ikiwemo kupita katika vituo vya ukaguzi wa joto la mwili.
Halmashauri Kuu ya Umoja wa Ulaya ilitoa ushauri kwa kanda hiyo kuondoa kwanza vizuizi vya mipaka ya ndani na kisha baadae kuanza kufungua milango kwa wageni kutoka nje ya kanda hiyo.
Hata hivyo, hatua ya kwanza haikufanikiwa kama ilivyoanishwa kwenye mpango.
Ugiriki inawalazimisha wageni wote kutoka mataifa kadhaa ya kanda ya Umoja wa Ulaya kufanyiwa vipimo vya ugonjwa wa COVID-19 na kujiweka karantini hadi matokeo yatakapotolewa.
Jamhuri ya Czech imesema haitoruhusu watalii kutoka Ureno, Sweden na sehemu fulani za Poland kuingia nchini humo.
Kwa sehemu kubwa mataifa ya kanda hiyo yanakubaliana kuwa yanapaswa kuruhusu wageni kutoka mataifa yenye viwango sawa au vizuri zaidi vya mafanikio ya kudhibiti ugonjwa wa COVID-19 lakini kuna wasiwasi juu ya vipi Umoja wa Ulaya utaweza kuhakiki hatua za mataifa hayo katika kukabiliana na janga hilo au kuaminika kwa taarifa zinazotolewa na serikali zake.
Kwa mujibu wa Wakala wa Kupambana na Kuzuia Magonjwa wa Umoja wa Ulaya mataifa  kadhaa kama Tanzania, Turkmenistan na Lao hayajaripoti visa vyovyote vya maambukizi katika kipindi cha wiki mbili zilizopita.
Kwa kuzingatia taarifa za taasisi hiyo katika kipindi cha wiki mbili zilizopita mataifa kadhaa yamefikia kiwango kibaya kabisa cha maambukizi kuliko Umoja wa Ulaya.
Mataifa hayo yanajumuosha Marekani, Mexico, Brazil na sehemu kubwa ya Amerika ya Kusini, Urusi, Afrika Kusini na Saudi Arabia.



MATANGAZO YA MOJA KWA MOJA YA TV

Maoni

Chapisha Maoni

Machapisho maarufu kutoka blogu hii

Umoja wa Ulaya hatimaye wakubaliana kuufufua uchumi wao

Picha
Viongozi wa nchi za Umoja wa Ulaya hatimaye Jumanne asubuhi walifikia makubaliano ya yuro bilioni 750 za kuufufua uchumi wao. Pesa hizi ni za kukabiliana na athari zilizotokana na janga la virusi vya corona. Viongozi hao walioonekana wenye uchovu wamekubaliana bajeti ya yuro trilioni 1.82 pia pamoja na hizo pesa za kufufua uchumi baada ya janga la virusi vya corona. Hatua hii imefikiwa kufuatia majadiliano ya siku nne ya usiku na mchana yaliyojawa na makabiliano na ubishi mkali kuhusiana na pesa na nguvu katika mojawapa ya mkutano wao mrefu zaidi wa kilele kuwahi kushuhudiwa. Hizo bilioni 750 zitatolewa kama mkopo kwa nchi zilizoathirika  vibaya zaidi na janga hilo huku makubaliano yakiafikiwa pia kuhusiana na bajeti hiyo ya miaka saba ya zaidi ya trilioni moja. Mkutano ulitarajiwa kuisha Jumamosi Charles Michel ni mwenyekiti wa mkutano huo wa kilele. "Tumeonyesha imani kwa mustakabali wetu na makubaliano haya yanaonyesha kuwa Ulaya ni nguvu ya vitendo. Tumejadiliana
Endelea kusoma

Urusi kuisadia Uganda kujenga uwezo wake wa nyuklia, ni mataifa gani ya Afrika yanatumia nishati ya nyuklia na kwanini?

Picha
Uganda imesaini makubaliano na Urusi kuisaidia kujenga uwezo wake wa kutumia teknolojia ya nyuklia kwa matumizi ya kutengeneza nishati, dawa na matumizi mengine ya amani. Hatua hii inafuata kusainiwa kwa makubaliano mnamo mei mwaka jana baina ya serikali ya rais Yoweri Museveni na shirika la kitaifa la nyuklia China CNNC, kulisaidia taifa hilo la Afrika mashariki kuendeleza matumizi ya nishati ya nyuklia kwa madhumuni ya amani. Katika ujumbe rasmi wa wizara ya nishati Uganda, makubalinao hayo na Urusi yalisainiwa hapo jana Jumatano huko Vienna kati ya waziri Irene Muloni na naibu mkurugenzi mkuu wa shirika la kitaifa la nishati ya atomiki ROSATOM, Nikolai Spasskiy. Urusi itaisaidia Uganda kujenga miundo mbinu ya nyuklia kwa matumizi katika viwanda sekta ya afya na pia ukulima. "Spasskiy ameeleza uwajibikaji na utayari wa ROSATOM kuisaidia Uganda kuidhinisha matumizi ya amani ya nishati ya nyuklia hususan katika ujenzi wa kinu cha nishati ya nyuklia," taarifa imeeleza. Kwa muj
Endelea kusoma