Illuminati ilianzaje? na ni kwanini kuna mvuto kuhusu wafuasi wake?

Je Jay Z ni mfuasi wa Ilimunati? Donald Tump, Katty Perry na hata Beyonce wameshutumiwa kuwa wafuasi wa Illumanti. Kundi la siri linalo arifiwa kuwajumuisha watu wenye nguvu na udhibiti duniani.
Hata kama hujawahi kusikia kuhusu illuminati , kuna uwezekano kwamba umeshawahi kuona ishara zinazohusishwa nazo.
Mbuzi, jicho linaloona kila kitu - 'the all seeing eye' linaloonekana kwenye noti za Marekani.
Katika kanda za video za muziki, baadhi ya mistari iliyokatwa pia huhusishwa na hilo kama kibao cha Rihana S&M kilichoonyesha kichwa bandia cha habari kinachomtaja yeye kuwa mwanamfalme wa illuminati.
Basi kwanini wanamuziki na wasanii wanapenda kufanya mzaha kuhusisha illuminati?
Mwandishi habari na muandishi vitabu, David Bramwell anasema kwa ufupi ni kujifurahisha.
Wengi wanavutiwa na hadithi hizo kama baadhi yetu tunavyovutiwa.
'Nakumbuka uvumi uliosambazwa mnamo 1966 kwamba Paul McCartney wa kundi la the Beatles alifariki katika ajali ya gari alipokuwa akielekea nyumbani baada ya kurekodi muziki.
Na kwamba alibadilishwa na DJ mmoja wa Canada ambaye alifanana mno na yeye ambaye alijifunza kwa haraka, kuimba na kupiga gita kama yeye'.
Bramwell anaeleza kwamba McCartney mwenyewe hajawahi kukana fikra hiyo. Na kama ilivyo kwa Mccartney na Jay Z na Rihanna, wengineo pia wanafurahishwa na taarifa hiyo.

Iluminati ni nani?

Ni kweli kwamba Illuminati ni vivuli vya watu wanaoidhibiti dunia?
Illuminati kwa ufahamu uliopo, walikuwa ni jamii yenye usiri kutoka Bavaria iliyoundwa katika karne ya 18.
Jamii hiyo ilipinga mazingaombwe, ushawishi wa kidini na uongozi wa taifa.
Waliunda kitabu cha sheria kilichosema kuwa lengo kuu ni kusitisha matumizi ya mashine ya wanaodhulumu watu, na kuwadhibiti bila ya kuwatawala.
Punde si punde jamii hiyo ya Bavaria ikaishia kutokuwa na maana.
Na halihusiki kwa namna yoyote na fikra zilizopo leo kuhusu Illuminati.
Fikra inayofahamika leo inatokana na vuguvugu la Discordian - wanaomini kwamba vurugu ni muhimu kama utulivu.
Inaelezwa kwamba vuguvugu hilo lilianzishwa mnamo 1965 katika ofisi ya wakili mmoja jimboni texas Marekani.
Wanafunzi wawili waliosoma shule moja, Greg Hill na Kerry Thornley walitumia mashine ya kutoa kopi kuchapisha nakala za waraka ulioidhinisha vuguvugu hilo.
Waraka huo uliendekeza fikra kwamba 'vurugu au ghasia ni muhimu kama ilivyo kwa utulivu'.
Na vuguvugu hilo lilishika kasi katika miaka ya 60 na 70 huku wanafunzi hao wawili wakizidi kusambaza utundu na taarifa za uongo.
Lengo lao lilisambazwa zaidi na raia wawili wengine wa Marekani.
Mwandishi Robert Anton Wilson aliyeliandikia jarida la PlayBoy na rafiki yake Robert Shea.
Wawili hao Bramwell anaeleza waliamua kuandika riwaya inayojumuisha fikra zote hizo na kukiita kitabu Illuminatis.
Walihisi kwamba itakuwa ni jambo la kufurahisha kujaribu kusambaza vurugu na taarifa za uongo kwa makusudi kuhusu illuminati na walifanikiwa kwa kuandika barua kwa vyombo vya habari, lakini pia kupitia sehemu ya barua ndani ya jarida hilo la Playboy.
Waliandika barua za urongo kutoka kwa wasomaji wasiokuwepo, waliosema kwamba illuminati sio wa kweli au wengine walioonekana kutokuwa na msimamo kamili kuhusu suala hilo.
Kilichokuwa na uzito ni kwamba watu wote hao waliokuwa wamezusha gumzo kuhusu illuminati na fikra ilikuwa ni kwa lengo kwamba msomaji atauliza maswali, kulihoji suala hilo na kuuliza iwapo 'ni kweli kuna illuminati?'
Dhana hiyo ilisambaa pakubwa, na kitabu hicho kilizusha maswali kama kwa mfano 'ni nani aliyempiga risasi John F. Kennedy?'
Licha ya kwamba ukubwa wa fikra hizo zinazojitokeza katika kitabu hicho ni za uongo, zimechanganyika na ukweli wa kiasi fulani kuzifanya kukubalika.
Kitabu hicho kilipata umaarufu kiasi cha kugeuzwa mchezo wa kuigiza wa muda wa saa nane ulioigizwa katika jukwaa Liverpool.
Jarida hilo la miaka ya 70 la utamaduni kwa sasa halipatikani katika kizazi cha intaneti, lakini uvumi kuhusu illuminati bado unaendelea katika mitandao kadhaa ambapo watu wanaomaini hubadilishana mawazo, fikra na ushahidi wa uwepo wa illuminati.
Mwisho wa siku uamuzi ni wako wewe kuamini iwapo kuna illuminati au la.



Maoni

Chapisha Maoni

Machapisho maarufu kutoka blogu hii

Umoja wa Ulaya hatimaye wakubaliana kuufufua uchumi wao

Picha
Viongozi wa nchi za Umoja wa Ulaya hatimaye Jumanne asubuhi walifikia makubaliano ya yuro bilioni 750 za kuufufua uchumi wao. Pesa hizi ni za kukabiliana na athari zilizotokana na janga la virusi vya corona. Viongozi hao walioonekana wenye uchovu wamekubaliana bajeti ya yuro trilioni 1.82 pia pamoja na hizo pesa za kufufua uchumi baada ya janga la virusi vya corona. Hatua hii imefikiwa kufuatia majadiliano ya siku nne ya usiku na mchana yaliyojawa na makabiliano na ubishi mkali kuhusiana na pesa na nguvu katika mojawapa ya mkutano wao mrefu zaidi wa kilele kuwahi kushuhudiwa. Hizo bilioni 750 zitatolewa kama mkopo kwa nchi zilizoathirika  vibaya zaidi na janga hilo huku makubaliano yakiafikiwa pia kuhusiana na bajeti hiyo ya miaka saba ya zaidi ya trilioni moja. Mkutano ulitarajiwa kuisha Jumamosi Charles Michel ni mwenyekiti wa mkutano huo wa kilele. "Tumeonyesha imani kwa mustakabali wetu na makubaliano haya yanaonyesha kuwa Ulaya ni nguvu ya vitendo. Tumejadiliana
Endelea kusoma

Urusi kuisadia Uganda kujenga uwezo wake wa nyuklia, ni mataifa gani ya Afrika yanatumia nishati ya nyuklia na kwanini?

Picha
Uganda imesaini makubaliano na Urusi kuisaidia kujenga uwezo wake wa kutumia teknolojia ya nyuklia kwa matumizi ya kutengeneza nishati, dawa na matumizi mengine ya amani. Hatua hii inafuata kusainiwa kwa makubaliano mnamo mei mwaka jana baina ya serikali ya rais Yoweri Museveni na shirika la kitaifa la nyuklia China CNNC, kulisaidia taifa hilo la Afrika mashariki kuendeleza matumizi ya nishati ya nyuklia kwa madhumuni ya amani. Katika ujumbe rasmi wa wizara ya nishati Uganda, makubalinao hayo na Urusi yalisainiwa hapo jana Jumatano huko Vienna kati ya waziri Irene Muloni na naibu mkurugenzi mkuu wa shirika la kitaifa la nishati ya atomiki ROSATOM, Nikolai Spasskiy. Urusi itaisaidia Uganda kujenga miundo mbinu ya nyuklia kwa matumizi katika viwanda sekta ya afya na pia ukulima. "Spasskiy ameeleza uwajibikaji na utayari wa ROSATOM kuisaidia Uganda kuidhinisha matumizi ya amani ya nishati ya nyuklia hususan katika ujenzi wa kinu cha nishati ya nyuklia," taarifa imeeleza. Kwa muj
Endelea kusoma