Jaji wa Mahakama ya Juu Marekani Ruth Ginsburg afariki

Jaji wa Mahakama ya Juu ya Marekani Ruth Bader Ginsburg, mpiganiaji wa haki za wanawake ambaye alikuwa jaji wa pili mwanamake katika mahakama hiyo, amefariki dunia akiwa na umri wa miaka 87
Kifo chake ambacho kimetokea wiki sita tu kabla ya Uchaguzi wa Rais huenda kikaanzisha mapambano makali ya kisiasa kuhusu kama Rais Donald Trump anapaswa kumteuwa, na baraza la Seneti linalodhibitiwa na Warepublican liidhinishe, mrithi wake, au kama kiti hicho kibaki wazi hadi baada ya kujulikana matokeo ya kinyang'anyiro chake dhidi ya Mdemocrat Joe Biden. Ginsburg ni Mliberali alijetambulika kwa kutetea haki za wanawake na jamii za walio wachache.
Kiongozi wa Maseneta wa Republican Mitch McConnell amesema Seneti itapiga kura ya kuidhinisha au kupinga jaji atakayependekezwa na Trump kumrithi Ginsburg, hata ingawa ni mwaka wa uchaguzi. 
Trump amemuita Ginsburg "mwanamke wa ajabu" na hakutaja kuhusu kujaza kiti chake kilichobaki wazi katika Mahakama ya Juu wakati akizungumza na wanahabari baada ya mkutano wa hadhara mjini Bemidji, Minnesota.
Biden alisema mshindi wa uchaguzi wa Novemba anapaswa kumchagua mrithi wa Ginsburg. "Hakuna shaka -- acha niwe wazi -- kwamba wapiga kura wanapaswa kumchagua rais naye rais anapaswa kumchagua jaji atakayeidhinishwa na Seneti," Biden aliwaambia wanahabari baada ya kurejea katika mji wake wa nyumbani wa Wilmington, Delaware, akitokea kampeni za Minnesota.
Siku chache kabla ya kifo chake, Ginsburg alimwambia mjukuu wake wa kike Clara Spera, kuwa matamanio yake makubwa ni kuwa nafasi yake haitajazwa hadi pale rais mpya atakapoapishwa. Hayo ni kwa mujibu wa radio ya umma nchini Marekani ya NPR
Jaji Mkuu John Roberts aliomboleza kifo cha Ginsburg. "Taifa letu limempoteza mwanasheria wa hadhi ya kihistoria. Sisi katika Mahakama ya Juu tumempoteza mwenzetu aliyependwa. Leo tunaomboleza, lakini na imani kuwa vizazi vya usoni vitamkumbuka Ruth Bader Ginsburg kama tulivyomfahamu -- mpiganiaji imara na asiyechoka wa sheria."
Ginsburg alitangaza Julai mwaka huu kuwa anafanyiwa matibabu kwenye ini lake, ikiwa ni mapambano yake kadhaa ya karibuni na ugonjwa wa saratani.
Follow us on Facebook
Follow us on Instagram
Follow us on Twitter
Subscribe our YouTube channel

Maoni

Chapisha Maoni

Machapisho maarufu kutoka blogu hii

Umoja wa Ulaya hatimaye wakubaliana kuufufua uchumi wao

Picha
Viongozi wa nchi za Umoja wa Ulaya hatimaye Jumanne asubuhi walifikia makubaliano ya yuro bilioni 750 za kuufufua uchumi wao. Pesa hizi ni za kukabiliana na athari zilizotokana na janga la virusi vya corona. Viongozi hao walioonekana wenye uchovu wamekubaliana bajeti ya yuro trilioni 1.82 pia pamoja na hizo pesa za kufufua uchumi baada ya janga la virusi vya corona. Hatua hii imefikiwa kufuatia majadiliano ya siku nne ya usiku na mchana yaliyojawa na makabiliano na ubishi mkali kuhusiana na pesa na nguvu katika mojawapa ya mkutano wao mrefu zaidi wa kilele kuwahi kushuhudiwa. Hizo bilioni 750 zitatolewa kama mkopo kwa nchi zilizoathirika  vibaya zaidi na janga hilo huku makubaliano yakiafikiwa pia kuhusiana na bajeti hiyo ya miaka saba ya zaidi ya trilioni moja. Mkutano ulitarajiwa kuisha Jumamosi Charles Michel ni mwenyekiti wa mkutano huo wa kilele. "Tumeonyesha imani kwa mustakabali wetu na makubaliano haya yanaonyesha kuwa Ulaya ni nguvu ya vitendo. Tumejadiliana
Endelea kusoma

Urusi kuisadia Uganda kujenga uwezo wake wa nyuklia, ni mataifa gani ya Afrika yanatumia nishati ya nyuklia na kwanini?

Picha
Uganda imesaini makubaliano na Urusi kuisaidia kujenga uwezo wake wa kutumia teknolojia ya nyuklia kwa matumizi ya kutengeneza nishati, dawa na matumizi mengine ya amani. Hatua hii inafuata kusainiwa kwa makubaliano mnamo mei mwaka jana baina ya serikali ya rais Yoweri Museveni na shirika la kitaifa la nyuklia China CNNC, kulisaidia taifa hilo la Afrika mashariki kuendeleza matumizi ya nishati ya nyuklia kwa madhumuni ya amani. Katika ujumbe rasmi wa wizara ya nishati Uganda, makubalinao hayo na Urusi yalisainiwa hapo jana Jumatano huko Vienna kati ya waziri Irene Muloni na naibu mkurugenzi mkuu wa shirika la kitaifa la nishati ya atomiki ROSATOM, Nikolai Spasskiy. Urusi itaisaidia Uganda kujenga miundo mbinu ya nyuklia kwa matumizi katika viwanda sekta ya afya na pia ukulima. "Spasskiy ameeleza uwajibikaji na utayari wa ROSATOM kuisaidia Uganda kuidhinisha matumizi ya amani ya nishati ya nyuklia hususan katika ujenzi wa kinu cha nishati ya nyuklia," taarifa imeeleza. Kwa muj
Endelea kusoma