Ruka hadi kwenye maudhui makuu

Maandamano Kenya: 'Msiwaue, wapigeni risasi mguuni' Ruto awaambia polisi


William Ruto

CHANZO CHA PICHA,

Rais wa Kenya William Ruto ameapa kutumia ''mbinu zozote zinazohitajika'' kuhakikisha amani na utulivu inadumishwa nchini.

Akizungumza wakati wa uzinduzi wa mradi wa makazi ya polisi jijini Nairobi Rais Ruto aliyeonekana kuwa na hasira alisema yuko tayari kufanya lolote kukomesha wimbi la maandamano ya machafuko la hivi majuzi ambalo limesababisha vifo vya zaidi ya watu 40. "Inatosha, hatuwezi kuruhusu hili liendelee, tutatumia njia zozote kuleta utulivu nchini," alisema.

Kenya imeshuhudia wimbi la maandamano dhidi ya serikali, ambayo yalianza Juni 2024 kupinga nyongeza ya kodi. Maandamano hayo, hasa yakiongozwa na vijana, wanaofahamika 'Gen-z' hata hivyo yamebadilika na kujumuisha wito wa kumtaka Rais Ruto ajiuzulu, kukomesha ukatili wa polisi na utawala mbaya.

Katika hotuba yake ya kwanza kwa umma kuhusu suala hilo, tangu duru ya hivi punde zaidi ya maandamano mapema wiki hii alisema, ''Ni viongozi wanaowafadhili vijana kutekeleza vitendo hivyo, na tunawafuatilia!," akiwaonya wale anaodai wanafanya njama ya kumng'oa kwenye wadhifa wake wa urais akisema kuwa wanaotaka kuwania nafasi yake 'wakutane naye 2027' - kwenye uchaguzi ujao wa urais ulioratibiwa.

''Nchi hii haitaharibiwa na watu wachache wanaotaka kufanya mabadiliko ya serikali kwa kutumia njia zisizo za kikatiba, hilo halitakubaliwa.''

Skip Iliyosomwa zaidi and continue reading
Iliyosomwa zaidi

End of Iliyosomwa zaidi

Pia aliapa kuwachukulia hatua kali waandamanaji wanaodaiwa kuteketeza vituo mbalimbali vya polisi wakati wa maandamano ya hivi majuzi.

"Yeyote anayechoma biashara na mali ya watu, basi apigwe risasi mguuni, aende hospitalini akielekea mahakamani. Naam, wasiue, bali wapige risasi na kuvunja miguu. Kuharibu mali za watu si sawa," alisema.

Alisema mashambulizi dhidi ya maafisa wa polisi na majengo kama vile vituo vya polisi, kama yale yaliyoshuhudiwa wakati wa kumbukumbu ya maandamano ya kupinga mswaha wa Fedha wa Juni 25-2024, yatachukuliwa kama ugaidi.

"Wale wanaoshambulia polisi wetu na vituo vya polisi, wanatangaza vita. Ni ugaidi, na tutakabiliana nao kikamilifu. Hatuwezi kuwa na taifa linaloongozwa na ugaidi na kutawaliwa na ghasia; hilo halitafanyika chini ya uangalizi wangu," Ruto alisema.

Kenya imeshuhudia ongezeko la maandamano ya kupinga serikali katika miezi ya hivi huku waandamanaji wakilalamikia utawala wa Ruto kwa kuchangia kupanda kwa gharama ya maisha na msururu wa dhuluma dhidi ya wakosoaji wa serikali.

Maandamano hayo yamesababisha vifo, majerahu na utekaji nyara.

Wakosoaji wanalaani polisi kwa ukatili na matumizi ya risasi za moto dhidi ya waandamanaji wasio na silaha wakati wa maandamano yanayoongozwa na vijana.

Maoni

Chapisha Maoni

Machapisho maarufu kutoka blogu hii

Kwanini Somaliland ina matumaini na ujio wa Trump?

Picha
CHANZO CHA PICHA, AFP Maelezo kuhusu taarifa Author, Watu wengi huko Somaliland wanaamini kwamba Marekani, chini ya rais ajaye Donald Trump, itakuwa nchi ya kwanza duniani kuitambua jamhuri hiyo iliyojitangazia uhuru wake. Eneo hilo lilijitangazia uhuru miaka 33 iliyopita baada ya Somalia kutumbukia katika vita vya wenyewe kwa wenyewe. "Donald ni mwokozi wetu. Ni mtu mwenye hekima. Mungu ibariki Marekani," anasema mwanafunzi wa chuo kikuu Aisha Ismail. Anazungumza nami kutoka Hargeisa, mji mkuu wa Somaliland - jiji lililo umbali wa kilomita 850 (maili 530) kaskazini mwa Mogadishu, Somalia. Kwa wale walio Mogadishu, Somaliland ni sehemu ya Somalia. "Nina shaka kwamba Donald Trump anaijua Somaliland ni nini, au iko wapi," anasema Abdi Mohamud, mchambuzi huko Mogadishu. Pia unaweza kusoma Wakuu wa jeshi la Ethiopia-Somaliland wakutana huku kukiwa na mvutano wa kikanda 9 Januari 2024 Makubaliano ya Ethiopia na Somaliland yatikisa diplomasia katika Pembe ya Afrika 9 Janu...
Endelea kusoma

Tetesi za soka Barani Ulaya:

Picha
Michezo Imepakiwa mnamo 11:37 PSG v Man City: Je Messi kumaliza zimwi la ukame wa magoli dhidi ya kikosi cha Pep Guardiola leo? Ulikuwa ni uhusiano wenye mafanikio makubwa zaidi wa kocha na mchezaji wake katika nyakati za soka la sasa. Tetesi za soka Ulaya Jumanne 28.09.2021: Phillips, Rice, Porro, Kessie, Isco, Jovic, Davies, De Ligt CHANZO CHA PICHA,  JUSTIN TALLIS/GETTY IMAGES Manchester United imeamua kuelekeza nguvu zake kwa kiungo wa Leeds United Kalvin Phillips, 25, baada ya kuachana na mipango yao ya kumsajili kiungo mwenzake wa England Declan Rice, 22, kutoka West Ham. (Star) West Ham ina mpango wa kumuuza Rice kwa dau la £90m ikijiandaa na dau la kumpata mrithi wake. (Football Insider) Real Madrid wanafikiria kupeleka ofa kwa ajili ya mlinzi wa pembeni wa Hispania Pedro Porro, 22, ambaye yuko kwa mkopo Sporting Lisbon akitokea klabu ya Manchester City. (O Jogo - in Portuguese) Follow us on Facebook Follow us on Instagram Follow...
Endelea kusoma

Rwanda bila misaada: Je, inaweza kujitegemea?

Picha
CHANZO CHA PICHA, GETTY IMAGES Hivi karibuni nchi za Ulaya, Marekani na Canada zimekuwa zikitangaza hatua ya kukata misaada dhidi ya Rwanda, kufuatia kile kinachoelezwa na nchi hizo za Magharibi kwamba inaunga mkono kundi la M23 liloteka maeneo ya mashariki mwa DRC, ikiwemo miji ya Goma na Bukavu. Nchi hizo zinaituhumu Rwanda kuchochea ghasia katika eneo la Mashariki mwa DRC kwa kuwaunga mkono waasi wa kitutsi wa Congo wa kundi la M23, tuhuma zinazokanushwa vikali na Rwanda. Lakini je, Rwanda inaweza kujitegemea bila misaada? Kujibu swali hili ni vyema kuelewa ni kwa namna gani Rwanda inategemea misaada kutoka mataifa ya kigeni kwa ajili ya kuendesha uchumi wake. Kulingana na takwimu za Benki ya Dunia, Rwanda ilikadiriwa kutegemea kwa kiasi kikubwa misaada ya kigeni mnamo 2024, huku makadirio yakionyesha kuwa misaada na mikopo kutoka nje inaweza kuchangia na karibu 27% ya jumla ya bajeti ya taifa hilo. Inakadiriwa kuwa Rwanda inapokea zaidi ya dola bilioni 1 ya msaada wa kigeni Pia una...
Endelea kusoma