Bahrain yaungana na UAE kurejesha uhusiano wa kidiplomasia na Israel

Bahrain siku ya Ijumaa 11.09.2020 ilijiunga na Muungano wa falme za kiarabu katika kukubali kurejesha uhusiano wa kidiplomasia na Israeli hatua iliyochochewa kiasi na hofu ya pamoja kuhusu Iran .
Ikulu ya White House nchini Marekani imesema rais Donald Trump alitoa tangazo hilo kupitia ukurasa wake wa twitter baada ya kuzungumza kwa njia ya simu na mfalme wa Bahrain Hamad bin Isa Al Khalifa na waziri mkuu wa Israeli Benjamin Netanyahu.Akiwahutubia wanahabari katika ofisi yake, Trump aliitaja siku hiyo kuwa ya kihistoria na kwamba anaamini mataifa mengine yatafuata mkondo huo.
Katika taarifa ya pamoja, Marekani, Bahrain na Israeli zimesema kuwa kufungua mawasiliano ya moja kwa moja na ushirikiano kati ya pande hizo mbili na chumi zilizoimarika kutaendelea kuleta mabadiliko ya manufaa katika eneo la Mashariki ya Kati na kuongeza uthabiti, usalama na ufanisi katika eneo hilo.

Hofu ya Wapalestina

Wapalestina walifadhaika, wakihofia kuwa hatua hiyo ya  Bahrain na Muungano wa Falme za Kiarabu itadhoofisha msimamo wa muda mrefu wa mataifa ya kiarabu unaoitaka Israeli kuondoka katika makazi iliyokalia na kukubali utaifa wa Palestina kabla ya kurejelea uhusiano wa kawaida na mataifa ya Kiarabu.
Mwezi uliopita, Muungano wa Falme za Kiarabu ulikubali kurejesha uhusiano wa kawaida na Israeli chini ya mkataba uliosimamiwa na Marekani unaotarajiwa kutiwa saini katika sherehe itakayoandaliwa katika ikulu ya White House siku ya Jumanne, itakayoongozwa na rais Trump anayetafuta kuchaguliwa tena kama rais katika uchaguzi wa Novemba 3. Sherehe hiyo inatarajiwa kuhudhuriwa na waziri mkuu wa Israeli Benjamin Netanyahu na waziri wa mambo ya nje wa Muungano wa Falme za Kiarabu Sheikh Abdullah bin Zayed al-Nahyan.

Taarifa hiyo ya pamoja pia ilisema kuwa waziri wa mambo ya nje wa Bahrain Abdullatif Al Zayani pia atahudhuria sherehe hiyo na kutia saini ''azimio la kihistoria la amani'' na Netanyahu. Netanyahu amesema kuwa uamuzi wa Bahrain unaadhimisha ''enzi mpya ya amani.'' Katika taarifa iliyotolewa kwa njia ya video, Netanyahu alisema,'' Kwa miaka mingi tumewekeza katika amani na sasa amani itawekeza kwetu na kuleta uwekezaji mkubwa katika uchumi wa Israeli''.

Wito wa Palestina kwa Bahrain

Taarifa iliyotolewa chini ya jina la uongozi wa Palestina uliyatuhumu makubaliano hayo na kuyataja kuwa usaliti kwa azma ya Palestina. Taarifa hiyo ilisema, '' Uongozi wa Palestina unapinga hatua iliyochukuliwa na ufalme wa Bahrain na kuutaka kujiondoa katika makubaliano hayo mara moja kutokana na makubaliano hayo mara moja kutokana na madhara makubwa itakayowaletea raia wa Palestina na hatua za pamoja za mataifa ya Kiarabu. Wizara ya mambo ya nje ya Palestina imesema kuwa balozi wa Palestina kwa Bahrain aliitwa tena kwa mashauriano.
Katika ukanda wa Gaza, msemaji wa kundi la Hamas Hazem Qassem alisema uamuzi wa Bahrain wa kurejelea uhusiano wa kawaida na Israeli ''unaashiria madhara makubwa kwa azma ya Palestina.'' Hossein Amir-Abdollahian, mshauri maalumu wa masuala ya kimataifa wa spika wa bunge la Iran, aliutaja uamuzi wa Bahrain kuwa usaliti mkubwa kwa azma ya mataifa hayo ya kiislamu na Palestina.
Marekani, Israeli na Muungano wa falme za Kiarau zimeihimiza Palestina kurejelea mazungumzo yake na Israeli. Mazungumzo  kati ya Israeli na Palestina yalikwama mara ya mwisho mnamo mwaka 2014 na rais wa Palestina Mahmoud Abbas amekataa uhusiano wowote wa kisiasa na serikali ya Trump kwa zaidi ya miaka miwili akiituhumu kwa kuipendelea Israeli.
Follow us on Facebook
Follow us on Instagram
Follow us on Twitter
Subscribe our YouTube channel

Maoni

Chapisha Maoni

Machapisho maarufu kutoka blogu hii

Umoja wa Ulaya hatimaye wakubaliana kuufufua uchumi wao

Picha
Viongozi wa nchi za Umoja wa Ulaya hatimaye Jumanne asubuhi walifikia makubaliano ya yuro bilioni 750 za kuufufua uchumi wao. Pesa hizi ni za kukabiliana na athari zilizotokana na janga la virusi vya corona. Viongozi hao walioonekana wenye uchovu wamekubaliana bajeti ya yuro trilioni 1.82 pia pamoja na hizo pesa za kufufua uchumi baada ya janga la virusi vya corona. Hatua hii imefikiwa kufuatia majadiliano ya siku nne ya usiku na mchana yaliyojawa na makabiliano na ubishi mkali kuhusiana na pesa na nguvu katika mojawapa ya mkutano wao mrefu zaidi wa kilele kuwahi kushuhudiwa. Hizo bilioni 750 zitatolewa kama mkopo kwa nchi zilizoathirika  vibaya zaidi na janga hilo huku makubaliano yakiafikiwa pia kuhusiana na bajeti hiyo ya miaka saba ya zaidi ya trilioni moja. Mkutano ulitarajiwa kuisha Jumamosi Charles Michel ni mwenyekiti wa mkutano huo wa kilele. "Tumeonyesha imani kwa mustakabali wetu na makubaliano haya yanaonyesha kuwa Ulaya ni nguvu ya vitendo. Tumejadiliana
Endelea kusoma

Watalii wa Ufaransa kukabiliana na hukumu ya wizi wa mchanga

Picha
Wapenzi kutoka Ufaransa wamekamatwa na kilo 40 za mchanga wa Sardinian katika gari lao na wanaweza kukabiliana na kifungo cha miaka 6 jela. Walisema kuwa walitaka kuondoka na mchanga nyumbani kwao na hawakujua kama wamefanya makosa. Ni kosa la jinai kwa mtu kuhamisha mchanga kutoka katika kisiwa cha Sardinia, kwa sababu mchanga unatambulika kama mali ya umma. Kwa miaka mingi, wakazi wa eneo hilo wamekuwa wakilalamikia wizi wa mali asili ikiwa ni pamoja na mchanga. Wapenzi hao wanaweza kuhukumiwa kati ya mwaka mmoja jela mpaka miaka sita kwa kosa la wizi wa mali ya umma. Chini ya sheria ya mwaka 2017, biashara ya mchanga na mapambo ya bahari ni kunyume cha sheria, na faini ya yuro 3000. Polisi walikuta mchanga umewekwa kwenye chupa 14 ambazo zilitoka katika ufukwe wa Chia , kusini mwa Sardinia katika buti ya gari la wapenzi hao. Mwaka 1994, ufukwe uliopo kisiwa cha Budeli kaskazini mashariki mwa Sardinia uliwekewa zuio kwa ajili ya siku siku za mbeleni. Mamlaka ina hofu ya tani kadhaa z
Endelea kusoma