Najib Razak wa Malaysia kukata rufaa hukumu ya ufisadi

Waziri Mkuu wa zamani wa Malaysia, Najib Razak, atakata rufaa dhidi ya uamuzi wa Mahakama Kuu mjini Kuala Lumpur kumtia hatiani kwa mashitaka ya ufisadi dhidi yake na kumhukumu kifungo cha miaka 12.
Akizungumza na waandishi wa habari nje ya jengo la mahakama mjini Kuala Lumpur mchana wa Jumanne (29 Julai), Najib alisema kuwa mashitaka dhidi yake yalikuwa ya kisiasa na kwamba hahusiki na kadhiya hiyo ya ubadhirifu wa kiasi cha mabilioni ya dola yaliyotoweka kwenye mfuko wa maendeleo wa serikali, maarufu kama kashfa ya 1MDB:
"Kama ilivyo kawaida, mtu hutegemea kheri lakini hujiandaa kwa shari. Na huu si mwisho wa dunia. Bado kuna nafasi ya kuukatia rufaa uamuzi huu, nasi tutaelekea huko na naamini tutafanikiwa. Kwa wafuasi wangu, natarajia wataendelea kuniunga mkono na kuniamini na kuamini mapambano yetu na kutovunjika moyo," alisema.
Awali Jaji Muhammad Nazlan Ghazali wa Mahakama Kuu mjini Kuala Lumpur alisema ameridhika na hoja zilizowasilishwa na upande wa mashitaka dhidi ya Najib, ikiwa ni sehemu ya mlolongo wa kesi kadhaa za ufisadi dhidi yake.
Ndani ya chumba cha mahakama, Najib, ambaye serikali yake iliporomaka miaka miwili iliyopita kutokana na kashfa hiyo ya kukwapuwa mabilioni ya dola kutoka hazina ya taifa, alionekana mtulivu. Alishika msahafu kizimbani akiapa kwamba hana hatia ya kosa lolote. 
Jaji Ghazali alisema anamuhukumu Najib kifungo cha miaka 12 jela kwa shitaka moja la kutumia vibaya madaraka yake, miaka 10 kwa kila kosa kati ya matatu ya kuvunja uaminifu, na miaka mingine 10 kwa kila kosa kati ya matatu ya kutakatisha fedha.
Hata hivyo, Jaji huyo aliamuru hukumu hizo zote kuchanganywa pamoja, ikimaanisha kuwa Najib atatumikia kifungo cha miaka 12 tu.
Jaji huyo, ambaye pia alimtaka Najib kulipa faini ya dola milioni 49.4, aliruhusu kusitishwa kwanza kutekelezwa kwa hukumu yake hadi hapo rufaa ya mtuhumiwa itakapomaliza kusikilizwa. 
Hukumu hii ya kesi moja kati ya tano za ufisadi imetolewa ikiwa ni miezi mitano tu tangu chama cha Najib, Malay, kurejea serikalini kikiwa mshirika mkuu kwenye muungano wa vyama tawala, uliochukuwa madaraka baada ya serikali ya kimageuzi iliyoingia madarakani mwaka 2018 kuporomoka.
Wachambuzi wanasema hukumu ya leo itaimarisha hoja ya waendesha mashitaka kwenye kesi nyengine zinazomkabili Najib na inatoa ujumbe kwa wafanyabiashara wakubwa nchini Malaysia kwamba sasa muhimili wa mahakama una nguvu za kutosha kushughulikia uhalifu wa kifedha wa kimataifa.
Hata hivyo, wako wanaokhofia kwamba hukumu hii itapinduliwa kwenye mahakama ya rufaa, kwani chama cha Najib kipo madarakani.
Follow us on Facebook
Follow us on Instagram
Follow us on Twitter
Subscribe our YouTube channel

Maoni

Chapisha Maoni

Machapisho maarufu kutoka blogu hii

Umoja wa Ulaya hatimaye wakubaliana kuufufua uchumi wao

Picha
Viongozi wa nchi za Umoja wa Ulaya hatimaye Jumanne asubuhi walifikia makubaliano ya yuro bilioni 750 za kuufufua uchumi wao. Pesa hizi ni za kukabiliana na athari zilizotokana na janga la virusi vya corona. Viongozi hao walioonekana wenye uchovu wamekubaliana bajeti ya yuro trilioni 1.82 pia pamoja na hizo pesa za kufufua uchumi baada ya janga la virusi vya corona. Hatua hii imefikiwa kufuatia majadiliano ya siku nne ya usiku na mchana yaliyojawa na makabiliano na ubishi mkali kuhusiana na pesa na nguvu katika mojawapa ya mkutano wao mrefu zaidi wa kilele kuwahi kushuhudiwa. Hizo bilioni 750 zitatolewa kama mkopo kwa nchi zilizoathirika  vibaya zaidi na janga hilo huku makubaliano yakiafikiwa pia kuhusiana na bajeti hiyo ya miaka saba ya zaidi ya trilioni moja. Mkutano ulitarajiwa kuisha Jumamosi Charles Michel ni mwenyekiti wa mkutano huo wa kilele. "Tumeonyesha imani kwa mustakabali wetu na makubaliano haya yanaonyesha kuwa Ulaya ni nguvu ya vitendo. Tumejadiliana
Endelea kusoma

Watalii wa Ufaransa kukabiliana na hukumu ya wizi wa mchanga

Picha
Wapenzi kutoka Ufaransa wamekamatwa na kilo 40 za mchanga wa Sardinian katika gari lao na wanaweza kukabiliana na kifungo cha miaka 6 jela. Walisema kuwa walitaka kuondoka na mchanga nyumbani kwao na hawakujua kama wamefanya makosa. Ni kosa la jinai kwa mtu kuhamisha mchanga kutoka katika kisiwa cha Sardinia, kwa sababu mchanga unatambulika kama mali ya umma. Kwa miaka mingi, wakazi wa eneo hilo wamekuwa wakilalamikia wizi wa mali asili ikiwa ni pamoja na mchanga. Wapenzi hao wanaweza kuhukumiwa kati ya mwaka mmoja jela mpaka miaka sita kwa kosa la wizi wa mali ya umma. Chini ya sheria ya mwaka 2017, biashara ya mchanga na mapambo ya bahari ni kunyume cha sheria, na faini ya yuro 3000. Polisi walikuta mchanga umewekwa kwenye chupa 14 ambazo zilitoka katika ufukwe wa Chia , kusini mwa Sardinia katika buti ya gari la wapenzi hao. Mwaka 1994, ufukwe uliopo kisiwa cha Budeli kaskazini mashariki mwa Sardinia uliwekewa zuio kwa ajili ya siku siku za mbeleni. Mamlaka ina hofu ya tani kadhaa z
Endelea kusoma