Mabinti za Putin ni akina nani? Tunachojua kuhusu familia yake

​


TH

CHANZO CHA PICHA, ALAMY

Rais wa Urusi, Vladimir Putin, amekuwa na usiri kila wakati linapokuja suala la maswali juu ya familia yake.

Mnamo 2015, wakati wa moja ya mikutano yake ya habari, alikwepa maswali kuhusu utambulisho wa binti yake.

"Binti zangu wanaishi Urusi na walisoma nchini Urusi tu, ninajivunia wao," alisema. "Wanazungumza lugha tatu za kigeni kwa ufasaha. Sijawahi kujadili familia yangu na mtu yeyote."

"Kila mtu ana haki ya hatima yake, anaishi maisha yake mwenyewe na anafanya kwa heshima," aliongeza.

Labda hataki kuwataja, lakini wengine wamewataja. Awamu ya hivi punde ya vikwazo vya Marekani imewalenga Maria Vorontsova, 36, na Katerina Tikhonova, 35.

TWATAKA KUSIKIA KUTOKA KWAKO:Wewe au jamaa zako mlitoroka vita Ukraine?

"Tunaamini kwamba mali nyingi za Putin zimefichwa na wanafamilia, na ndiyo maana tunawalenga," afisa mmoja wa Marekani alisema.

Ingawa machache yamethibitishwa rasmi kuhusu maisha ya familia ya Rais Putin, nyaraka, ripoti za vyombo vya habari na matamshi ya mara kwa mara hadharani yanatosha kutoa picha ya wawili hao.

Wawili hao ni mabinti wa Rais Putin na mke wake wa zamani Lyudmila. Wawili hao walioana mwaka wa 1983 alipokuwa mhudumu wa ndege na yeye afisa wa KGB. Ndoa yao ilidumu kwa miaka 30, ikichukua kasi ya Bw Putin kufikia kilele cha mfumo wa kisiasa wa Urusi.

Mnamo 2013, walitengana . Bw Putin alisema "ulikuwa uamuzi wa pamoja: ni vigumu kuonana, kila mmoja wetu ana maisha yake". Alisema "alikuwa amezama kabisa kazini".

Mkubwa wao, Maria Vorontsova, alizaliwa mwaka wa 1985. Alisoma biolojia katika Chuo Kikuu cha St Petersburg na utabibu katika Chuo Kikuu cha Jimbo la Moscow.

H

CHANZO CHA PICHA, AFP

Bibi Vorontsova sasa ni msomi, aliyebobea katika mfumo wa endocrine. Aliandika pamoja kitabu juu ya ukuaji duni wa watoto, na ameorodheshwa kama mtafiti katika Kituo cha Utafiti wa Endocrinology huko Moscow.

Yeye pia ni mfanyabiashara. BBC Russia ilimtambua kama mmiliki mwenza wa kampuni inayopanga kujenga kituo kikubwa cha matibabu.

Unaweza pia kusoma

Bi Vorontsova ameolewa na mfanyabiashara Mholanzi Jorrit Joost Faassen, ambaye aliwahi kufanya kazi katika kampuni kubwa ya nishati ya serikali ya Urusi Gazprom, ingawa wameripotiwa kutengana.

Watu ambao wamezungumza naye tangu uvamizi wa Ukraine wanasema anamuunga mkono babake, na ametia shaka juu ya ripoti ya kimataifa ya mzozo huo.

Akilinganishwa na dada yake Katerina Tikhonova amekuwa machoni pa umma sana , sio kwa sababu ya talanta yake kama mwanadensi ya rock n'roll. Yeye na mwenzi wake walishika nafasi ya tano katika hafla ya kimataifa mnamo 2013.

TH

CHANZO CHA PICHA, AFP

Mwaka huo huo, aliolewa na Kirill Shamalov, mtoto wa rafiki wa muda mrefu wa Rais Putin. Harusi yao ilifanyika katika hoteli ya i karibu na St Petersburg. Wafanyikazi huko walisema wanandoa hao walifika kwa gari lililovutwa na farasi watatu weupe.

Bw Shamalov aliwekea vikwazo na Marekani mwaka wa 2018 kwa jukumu lake katika sekta ya nishati nchini Urusi. Hazina ya Marekani ilisema kwamba "bahati yake iliboreka sana kufuatia ndoa". Wawili hao wametengana 

Kufuatia uvamizi wa Ukraine, wanaharakati wawili wa Urusi walikamatwa kwa kumiliki jumba la kifahari huko Biarritz linalosemekana kumilikiwa na Bw Shamalov.

Bi Tikhonova sasa yuko katika taaluma na biashara. Alijitokeza kwa ufupi kwenye vyombo vya habari vya serikali ya Urusi mwaka wa 2018 ili kuzungumza kuhusu teknolojia ya neva na pia katika kongamano la biashara mnamo 2021. Katika hali zote mbili uhusiano wake na rais haukutajwa.

Hakuna kati yao anayesemekana kutumia muda mwingi na Rais Putin.

Bw Putin pia ana wajukuu. Aliwataja kwenye simu mnamo 2017, lakini hakusema ni wangapi alikuwa nao au ni bintiye yupi alikuwa nao.

"Kuhusu wajukuu zangu mmoja tayari yuko shule ya chekechea, naomba unielewe sitaki wakue kama wana wa kifalme, nataka wakue kama watu wa kawaida," alisema.

Maoni

Chapisha Maoni

Machapisho maarufu kutoka blogu hii

Umoja wa Ulaya hatimaye wakubaliana kuufufua uchumi wao

Picha
Viongozi wa nchi za Umoja wa Ulaya hatimaye Jumanne asubuhi walifikia makubaliano ya yuro bilioni 750 za kuufufua uchumi wao. Pesa hizi ni za kukabiliana na athari zilizotokana na janga la virusi vya corona. Viongozi hao walioonekana wenye uchovu wamekubaliana bajeti ya yuro trilioni 1.82 pia pamoja na hizo pesa za kufufua uchumi baada ya janga la virusi vya corona. Hatua hii imefikiwa kufuatia majadiliano ya siku nne ya usiku na mchana yaliyojawa na makabiliano na ubishi mkali kuhusiana na pesa na nguvu katika mojawapa ya mkutano wao mrefu zaidi wa kilele kuwahi kushuhudiwa. Hizo bilioni 750 zitatolewa kama mkopo kwa nchi zilizoathirika  vibaya zaidi na janga hilo huku makubaliano yakiafikiwa pia kuhusiana na bajeti hiyo ya miaka saba ya zaidi ya trilioni moja. Mkutano ulitarajiwa kuisha Jumamosi Charles Michel ni mwenyekiti wa mkutano huo wa kilele. "Tumeonyesha imani kwa mustakabali wetu na makubaliano haya yanaonyesha kuwa Ulaya ni nguvu ya vitendo. Tumejadiliana
Endelea kusoma

Urusi kuisadia Uganda kujenga uwezo wake wa nyuklia, ni mataifa gani ya Afrika yanatumia nishati ya nyuklia na kwanini?

Picha
Uganda imesaini makubaliano na Urusi kuisaidia kujenga uwezo wake wa kutumia teknolojia ya nyuklia kwa matumizi ya kutengeneza nishati, dawa na matumizi mengine ya amani. Hatua hii inafuata kusainiwa kwa makubaliano mnamo mei mwaka jana baina ya serikali ya rais Yoweri Museveni na shirika la kitaifa la nyuklia China CNNC, kulisaidia taifa hilo la Afrika mashariki kuendeleza matumizi ya nishati ya nyuklia kwa madhumuni ya amani. Katika ujumbe rasmi wa wizara ya nishati Uganda, makubalinao hayo na Urusi yalisainiwa hapo jana Jumatano huko Vienna kati ya waziri Irene Muloni na naibu mkurugenzi mkuu wa shirika la kitaifa la nishati ya atomiki ROSATOM, Nikolai Spasskiy. Urusi itaisaidia Uganda kujenga miundo mbinu ya nyuklia kwa matumizi katika viwanda sekta ya afya na pia ukulima. "Spasskiy ameeleza uwajibikaji na utayari wa ROSATOM kuisaidia Uganda kuidhinisha matumizi ya amani ya nishati ya nyuklia hususan katika ujenzi wa kinu cha nishati ya nyuklia," taarifa imeeleza. Kwa muj
Endelea kusoma