Vifo vya Ajali treni DRC vyafikia 75

Idadi ya watu waliofariki katika ajali ya treni kusini mashariki mwa Jamhuri ya Kidemokrasia ya Congo sasa imefikia 75 , hii ni kwa mujibu wa maafisa wa Shirika la reli na Wizara ya Mawaasiliano.

Maafisa hao wanasema idadi ya majeruhi ni 125 wengi wao wakiwa ni akina mama na watoto.

Idadi hii mpya imetangazwa na Mkurugenzi wa shirika la Reli Bwana Abien Mutomb, baada ya kutembelea eneo la ajali hiyo akandamana na timu maalum iliyoundwa kuchunguza mkasa huo.



Siku ya Jumamosi maafisa wa shirika la reli walikuwa wamethibitisha kuwa idadi ya waliofariki ilikuwa watu 61 wakiwemo wanawake na watoto .Taarifa hiyo ya Jumamosi ilimnukuu Marc Manyonga Ndambo, Mkurugenzi wa miundo mbinu akizungumza na chombo cha Habari cha AFP kuwa watu 52 waliojeruhiwa waliokolewa.

Vyombo vya Habari nchini humo vilimnukuu gavana wa jimbo hilo Fifi Mazuka akisema kwamba takriban watu 60 wamefariki.

‘’Ilikuwa treni ya mizigo iliokuwa ikibeba mamia ya watu waliokuwa wakisafiri kutoka eneo moja hadi jingine kwa njia ya siri’’, alisema bwana Manyonga.

Baadhi ya miili ilikwama katika mabehewa ambayo yalikuwa yameanguka, aliongeza. Manyonga alisema kwamba treni hiyo ilikuwa na mabehewa 15, 12 kati yake yalikuwa hayana mzigo. 

Treni hiyo ilikuwa inatoka Luen kuelekea katika mji wa migodi wa Tenke, karibu na Kolwezi mji mkuu wa Lualaba kusini mwa DRC.

Ilikosa mwelekeo siku ya Alhamisi karibu na Kijiji cha Buyofwe takriban kilomita 200 kutoka Kolwezi katika eneo lenye mabonde ambapo mabehewa 7 yalianguka, alisema.


Follow us on Facebook

Follow us on Instagram

Follow us on Twitter

Maoni

Chapisha Maoni

Machapisho maarufu kutoka blogu hii

Umoja wa Ulaya hatimaye wakubaliana kuufufua uchumi wao

Picha
Viongozi wa nchi za Umoja wa Ulaya hatimaye Jumanne asubuhi walifikia makubaliano ya yuro bilioni 750 za kuufufua uchumi wao. Pesa hizi ni za kukabiliana na athari zilizotokana na janga la virusi vya corona. Viongozi hao walioonekana wenye uchovu wamekubaliana bajeti ya yuro trilioni 1.82 pia pamoja na hizo pesa za kufufua uchumi baada ya janga la virusi vya corona. Hatua hii imefikiwa kufuatia majadiliano ya siku nne ya usiku na mchana yaliyojawa na makabiliano na ubishi mkali kuhusiana na pesa na nguvu katika mojawapa ya mkutano wao mrefu zaidi wa kilele kuwahi kushuhudiwa. Hizo bilioni 750 zitatolewa kama mkopo kwa nchi zilizoathirika  vibaya zaidi na janga hilo huku makubaliano yakiafikiwa pia kuhusiana na bajeti hiyo ya miaka saba ya zaidi ya trilioni moja. Mkutano ulitarajiwa kuisha Jumamosi Charles Michel ni mwenyekiti wa mkutano huo wa kilele. "Tumeonyesha imani kwa mustakabali wetu na makubaliano haya yanaonyesha kuwa Ulaya ni nguvu ya vitendo. Tumejadiliana
Endelea kusoma

Watalii wa Ufaransa kukabiliana na hukumu ya wizi wa mchanga

Picha
Wapenzi kutoka Ufaransa wamekamatwa na kilo 40 za mchanga wa Sardinian katika gari lao na wanaweza kukabiliana na kifungo cha miaka 6 jela. Walisema kuwa walitaka kuondoka na mchanga nyumbani kwao na hawakujua kama wamefanya makosa. Ni kosa la jinai kwa mtu kuhamisha mchanga kutoka katika kisiwa cha Sardinia, kwa sababu mchanga unatambulika kama mali ya umma. Kwa miaka mingi, wakazi wa eneo hilo wamekuwa wakilalamikia wizi wa mali asili ikiwa ni pamoja na mchanga. Wapenzi hao wanaweza kuhukumiwa kati ya mwaka mmoja jela mpaka miaka sita kwa kosa la wizi wa mali ya umma. Chini ya sheria ya mwaka 2017, biashara ya mchanga na mapambo ya bahari ni kunyume cha sheria, na faini ya yuro 3000. Polisi walikuta mchanga umewekwa kwenye chupa 14 ambazo zilitoka katika ufukwe wa Chia , kusini mwa Sardinia katika buti ya gari la wapenzi hao. Mwaka 1994, ufukwe uliopo kisiwa cha Budeli kaskazini mashariki mwa Sardinia uliwekewa zuio kwa ajili ya siku siku za mbeleni. Mamlaka ina hofu ya tani kadhaa z
Endelea kusoma