Kifo cha George Floyd: Wakili akiita 'mauaji yaliyopangwa'

Wakili wa familia ya George Floyd, ambaye kifo chake kiliibua maandamano ya hasira kote nchini Marekani , amemshutumu afisa wa polisi kwa "kupanga mauaji".
Polisi wa Minneapolis Derek Chauvin ameshitakiwa kwa mauaji , lakini wakili Benjamin Crump amekiambia kituo cha habari cha CBS news kuwa yalikuwa ni mauaji ya kiwango cha kwanza.
"Tunadhani kwamba alikua na nia … takriban dakika tisa aliendelea kushindilia goti lake kwenye shingo ya mwanaume ambaye alikua anamuomba amsamehe na kumwambia kuwa hawezi kupumua," alisema
matukio ya uporaji yameripotiwa katika jimbo la Philadelphia.
Video kutoka katika vituo viwili vya televisheni vya Philadelphia Jumapili zilionesha vijana wakivunja magari kadhaa ya polisi na kuiba katika duka moja .
Ripoti ya Uchunguzi ya West Philadelphia, imesema kuwa magari ya polisi pia yalichomwa moto.
Miji kadhaa ya Marekani imeweka amri ya kutotoka nje.
Rais Donald Trump alituma ujumbe wake wa twitter uliosema: Sheria na amri vifuatwe Philadelphia, SASA! Wanapora maduka. Walete wanajeshi wetu waingilie kati ".
Tukio la Floyd limeibua ghadhabu miongoni mwa Wamarekani juu ya mauaji yanayotekelezwa na polisi dhidi ya watu weusi.
Hii inafuatia kesi maarufu ya mauaji ya Michael Brown mjini Ferguson, Eric Garner mjini New York na kesi nyingine zilizowasilishwa mahakamani na vuguvugu linalojulikana kama Black Lives Matters.
Katika video Bw. Chauvin alionekana akipiga goti kwenye shingo la Floyd kwa dakika kadhaa huku Floyd akisikika akisema kuwa hawezi kupumua.
Maafisa wengine watatu waliokuwepo wakati wa tukio hilo pia wamefutwa kazi.
"Kutokana na ukweli kwamba afisa wa polisi Chauvin aliendelea kushindilia goti lake kwenye shingo kwa takriban dakika tatu baada ya Floyd kupoteza fahamu hatuelewi kuwa hayo hayakuwa mauaji ya kiwango cha kwanza. Hatuelewi ni kwanini maafisa wote hawa hawajakamatwa ," wakili Crump alisema.
Maafisa wengine watatu waliokuwepo wakati wa tukio hilo wamefutwa kazi.
Kwa wengi ghadhabu ya kifo cha George Floyd pia inaonesha hasira juu ya kutokuwepo kwa usawa na kuwepo kwa ubaguzi katika masuala ya kijamii na kiuchumi, ambao haupo Minneapolis pekee.
Kikosi cha wanajeshi wa Ulinzi nchini Marekani- National Guard - cha wanajeshi wa akiba kinachoshughulikia hali za dharura ndani ya nchi -kimesema jana kuwa Wanajeshi wake 5,000 wamepelekwa katika majimbo 15 na Washington DC. Kiliongeza kuwa " polisi wa taifa bado wanasalia kuwajibika kwa usalama ".
Katika mahojiano na kituo cha habari cha CBS, wakili Benjamin Crump pia alisemakwamba "sasa tuna sauti kutoka kwa polisi na tunasikia ambapo polisi mmoja wao akisema 'hajatokwa na damu, labda tunaweza kumgeuza ', lakini afisa Chauvin anasema 'hapana, tutaendelea kumlaza hivi '. Hiyo inaonesha kuwa alfanya hivyo kwa makusudi.
"Na pia kwamba afisa Chauvin aliendelea kushindilia goti lake kwa karibu dakika tatu baada ya George Floyd kupoteza fahamu."
Wakili alisema pia kuwa Bwana Chauvin na Bwana Floyd walikuwa tayari wanafahamiana kabla ya kifo chake.
Alisema kuwa familia ya Floyd ili "fahamishwa kuhusu kifo chake na mmiliki wa kilabu ambacho kwamba Derek Chauvin alikuwa polisi ambaye alikuwa akilinda katika kilabu hicho wakati hayupo ambako pia George Floyd alikua mlinzi, kwa hiyo walikua wanapokezana".


Maoni

Chapisha Maoni

Machapisho maarufu kutoka blogu hii

Umoja wa Ulaya hatimaye wakubaliana kuufufua uchumi wao

Picha
Viongozi wa nchi za Umoja wa Ulaya hatimaye Jumanne asubuhi walifikia makubaliano ya yuro bilioni 750 za kuufufua uchumi wao. Pesa hizi ni za kukabiliana na athari zilizotokana na janga la virusi vya corona. Viongozi hao walioonekana wenye uchovu wamekubaliana bajeti ya yuro trilioni 1.82 pia pamoja na hizo pesa za kufufua uchumi baada ya janga la virusi vya corona. Hatua hii imefikiwa kufuatia majadiliano ya siku nne ya usiku na mchana yaliyojawa na makabiliano na ubishi mkali kuhusiana na pesa na nguvu katika mojawapa ya mkutano wao mrefu zaidi wa kilele kuwahi kushuhudiwa. Hizo bilioni 750 zitatolewa kama mkopo kwa nchi zilizoathirika  vibaya zaidi na janga hilo huku makubaliano yakiafikiwa pia kuhusiana na bajeti hiyo ya miaka saba ya zaidi ya trilioni moja. Mkutano ulitarajiwa kuisha Jumamosi Charles Michel ni mwenyekiti wa mkutano huo wa kilele. "Tumeonyesha imani kwa mustakabali wetu na makubaliano haya yanaonyesha kuwa Ulaya ni nguvu ya vitendo. Tumejadiliana
Endelea kusoma

Urusi kuisadia Uganda kujenga uwezo wake wa nyuklia, ni mataifa gani ya Afrika yanatumia nishati ya nyuklia na kwanini?

Picha
Uganda imesaini makubaliano na Urusi kuisaidia kujenga uwezo wake wa kutumia teknolojia ya nyuklia kwa matumizi ya kutengeneza nishati, dawa na matumizi mengine ya amani. Hatua hii inafuata kusainiwa kwa makubaliano mnamo mei mwaka jana baina ya serikali ya rais Yoweri Museveni na shirika la kitaifa la nyuklia China CNNC, kulisaidia taifa hilo la Afrika mashariki kuendeleza matumizi ya nishati ya nyuklia kwa madhumuni ya amani. Katika ujumbe rasmi wa wizara ya nishati Uganda, makubalinao hayo na Urusi yalisainiwa hapo jana Jumatano huko Vienna kati ya waziri Irene Muloni na naibu mkurugenzi mkuu wa shirika la kitaifa la nishati ya atomiki ROSATOM, Nikolai Spasskiy. Urusi itaisaidia Uganda kujenga miundo mbinu ya nyuklia kwa matumizi katika viwanda sekta ya afya na pia ukulima. "Spasskiy ameeleza uwajibikaji na utayari wa ROSATOM kuisaidia Uganda kuidhinisha matumizi ya amani ya nishati ya nyuklia hususan katika ujenzi wa kinu cha nishati ya nyuklia," taarifa imeeleza. Kwa muj
Endelea kusoma