Marekani na Ulaya zaonya wanajeshi wa Eritrea kuingia Tigray



Marekani na Umoja wa Ulaya zimeelezea wasiwasi wao kuhusu kupelekwa hivi karibuni kwa majeshi ya Eritrea kwenye jimbo la Tigray nchini Ethiopia, ambako pameshuhudiwa vita vilivyodumu kwa miezi tisa.

Vikosi kutoka Tigray vilidhibiti tena eneo kubwa la jimbo hilo mwezi Juni, ikiwa ni pigo kubwa kwa serikali ya Ethiopia. Lakini kupelekwa tena kwa vikosi vya Eritrea, miezi kadhaa baada ya Ethiopia kusema majeshi ya kigeni yalikuwa yakiondoka, kunazusha hofu ya kuongezeka mapigano zaidi.

Waziri wa Mambo ya Nje wa Marekani, Antony Blinken amesema nchi yake ina wasiwasi kwamba idadi kubwa ya majeshi ya ulinzi ya Eritrea yameingia tena Ethiopia, baada ya kuondoka mwezi Juni. Blinken ameyatoa matamshi hayo wakati ambapo wizara ya fedha ya Marekani imetangaza vikwazo dhidi ya mkuu wa jeshi la Eritrea anayetuhumiwa kwa kukiuka haki za binaadamu wakati wa vita vya Tigray. Eritrea imesema madai hayo hayana msingi.

Waziri wa Mambo ya Nje wa Marekani, Antony Blinken

Wakati huo huo, Agosti 20, mabalozi wa Umoja wa Ulaya waliandika taarifa ya ndani kwamba Eritrea ilikuwa inapeleka vikosi vyake katika jimbo la Tigray. Taarifa hiyo iliyoonekana na shirika la habari la Reuters imeeleza kuwa majeshi ya Eritrea yamepelekwa kwenye eneo la magharibi mwa Tigray na kujihami kwa vifaru na silaha za kivita kwenye miji ya Adi Goshu na Humera.

Abiy alizuru Asmara

Aidha, taarifa hiyo ilisema pia kwamba Waziri Mkuu wa Ethiopia, Abiy Ahmed aliuzuru mji mkuu wa Eritrea, Asmara Agosti 17, ziara ambayo haikutangazwa na ofisi yake, wakati akiwa njiani kuelekea kwenye mkutano wake rasmi nchini Uturuki. Hata hivyo wasemaji wa wizara ya habari ya Eritrea, ofisi ya waziri mkuu wa Ethiopia na jeshi la Ethiopia, hawajalizungumzia suala hilo.

MADA ZINAZOHUSIANA

Huku hayo yakijiri, Ethiopia imeanza kuwaandikisha wahitimu kwa ajili ya kupambana na waasi wa Tigray. Mateso yaliyowakumba raia hao, yamesababisha wananchi wa Ethiopia kuchukua silaha kupambana na waasi wa Tigray.

Seid Mohammed Hussein, msimamizi wa eneo la Wollo Kusini anasema kuwa wakiitikia wito uliotolewa na Waziri Mkuu Abiy kuhusu uhamasishaji, watu hao wamesema wako tayari kupambana.

Wakimbizi wa Tigray waliokimbia vita

\"\"Vikosi vya kigeni pia vinapambana dhidi yetu, ikiwemo Marekani na nchi nyingine za kigeni ambazo zinaunga mkono vita hivi kwa njia isiyofaa. Waethiopia wote wanalijua wazi hili,\"\" alifafanua Hussein.

Mwezi Aprili serikali ya Ethiopia ilisema majeshi ya Eritrea yameanza kuondoka Tigray, lakini msemaji wa vikosi vya Tigray amerudia kusema kuwa wanajeshi wa Eritrea bado wako jimboni humo.

Vita kati ya vikosi vya serikali ya shirikisho ya Ethiopia na Chama cha Ukombozi wa Watu wa Tigray, TPLF vilizuka mwaka uliopita na tangu wakati huo zaidi ya watu milioni mbili wamelazimika kuyakimbia makaazi yao. Majeshi ya Eritrea yaliingia Tigray kupambana sambamba na vikosi vya shirikisho, ambapo kulingana na mashirika ya kimataifa ya kutetea haki za binaadamu mzozo huo umesababisha unyanyasaji ikiwemo ubakaji.

Maoni

Chapisha Maoni

Machapisho maarufu kutoka blogu hii

Umoja wa Ulaya hatimaye wakubaliana kuufufua uchumi wao

Picha
Viongozi wa nchi za Umoja wa Ulaya hatimaye Jumanne asubuhi walifikia makubaliano ya yuro bilioni 750 za kuufufua uchumi wao. Pesa hizi ni za kukabiliana na athari zilizotokana na janga la virusi vya corona. Viongozi hao walioonekana wenye uchovu wamekubaliana bajeti ya yuro trilioni 1.82 pia pamoja na hizo pesa za kufufua uchumi baada ya janga la virusi vya corona. Hatua hii imefikiwa kufuatia majadiliano ya siku nne ya usiku na mchana yaliyojawa na makabiliano na ubishi mkali kuhusiana na pesa na nguvu katika mojawapa ya mkutano wao mrefu zaidi wa kilele kuwahi kushuhudiwa. Hizo bilioni 750 zitatolewa kama mkopo kwa nchi zilizoathirika  vibaya zaidi na janga hilo huku makubaliano yakiafikiwa pia kuhusiana na bajeti hiyo ya miaka saba ya zaidi ya trilioni moja. Mkutano ulitarajiwa kuisha Jumamosi Charles Michel ni mwenyekiti wa mkutano huo wa kilele. "Tumeonyesha imani kwa mustakabali wetu na makubaliano haya yanaonyesha kuwa Ulaya ni nguvu ya vitendo. Tumejadiliana
Endelea kusoma

Watalii wa Ufaransa kukabiliana na hukumu ya wizi wa mchanga

Picha
Wapenzi kutoka Ufaransa wamekamatwa na kilo 40 za mchanga wa Sardinian katika gari lao na wanaweza kukabiliana na kifungo cha miaka 6 jela. Walisema kuwa walitaka kuondoka na mchanga nyumbani kwao na hawakujua kama wamefanya makosa. Ni kosa la jinai kwa mtu kuhamisha mchanga kutoka katika kisiwa cha Sardinia, kwa sababu mchanga unatambulika kama mali ya umma. Kwa miaka mingi, wakazi wa eneo hilo wamekuwa wakilalamikia wizi wa mali asili ikiwa ni pamoja na mchanga. Wapenzi hao wanaweza kuhukumiwa kati ya mwaka mmoja jela mpaka miaka sita kwa kosa la wizi wa mali ya umma. Chini ya sheria ya mwaka 2017, biashara ya mchanga na mapambo ya bahari ni kunyume cha sheria, na faini ya yuro 3000. Polisi walikuta mchanga umewekwa kwenye chupa 14 ambazo zilitoka katika ufukwe wa Chia , kusini mwa Sardinia katika buti ya gari la wapenzi hao. Mwaka 1994, ufukwe uliopo kisiwa cha Budeli kaskazini mashariki mwa Sardinia uliwekewa zuio kwa ajili ya siku siku za mbeleni. Mamlaka ina hofu ya tani kadhaa z
Endelea kusoma